Er Eva farin að finna svipaða lykt og ransóknarlöggan þýska fann af Geirfinns og Klúbbmálunum hér í denn?

 

Það er furðulegt og algerlega ótækt, að við notum ekki starfskrafta Evu í þessum efnum.

Ef við ætlum að losna við spillingarstimpilinn, er ekkert annað í stöðunni en að segja þessar nefndir frá bönkunum og leysa upp það kerfi sem nú þegar er verið að hvísla um manna á milli að séu jafnvel enn spilltari en forverar þeirra í gömlu bönkunum og að skilanefndirnar láti eins og þær eigi skuldlaust allt góssið, sem þeir fari með sem sína séreign.

 

Eva finnur efalaust lyktina af Framsóknar forkólfunum í Kaupþingi og félögum þeirra í Glitni.  Vafalaust eru eftirhreytur sumra í Landsanum farnir að lykta öðruvísi og því skiljanlegt að Eva vilji EKKI skemma orðspor sitt með því að tengjast rannsókn sem er ekki nein rannsókn að hennar mati og félaga hennar í Evrópu og víðar.

 

Allt upp á borðið og lúsleitið allt bókhald bankana, jafnt fallina sem þeirra sem enn hjara, svo sem Sparisjóðina, bæði þa´sem það eru að nafninu einu og hinna sem eru það lögmætt.

Miðbæjaríhaldið

vill alvöru skoðun á því sem TALIÐ er að aflaga hafi farið.

Eva Joly íhugar að hætta

Hér þarf orðskýringa við!!!!!

 

Þegar fulltrúar AGS sjá, að enn sé til blóð, slefa þeir og segja ,,Ísland standi undir skuldum" þýðir það:  ,,Ísland er borgunarland fyrir þeim skuldum sem VIÐ ákveðum að ÞIÐ eigið að borga steinþegjandi og hljóðalaust"

Nú erum við að uppskera að hafa skellt skollaeyrum við því sem Davíð sagði.

Hann sagði að við ættum EKKI að borga það sem einhverjir lögaðilar út í bæ stofnuðu til.

Stjórnvöld hafa lagst kylliflöt undir AGS og lofað upp í ermar komandi kynslóða og hika nú ekki við, að sýna að spilaborgin EKKI skjaldborgin um heimilin er akkúrat það, spilaborg.

Jóhanna gat ekki einu sinni búið til félagslegt íbúðalánakerfi þegar hún var þó tiltölulega ung en hvernig í dauðanum dettur fólki í hug, að hún geti nokkuð meir núna eftir að árin hafa farið að taka tollinn af henni??

 

Burt með þessa --,,förum í ESB allt lagast þá"--ríkisstjórn. 

 

Svo leyfir Jóhanna sér, að segja að Verðtryggingin fari við inngöngu í ESB ekki fyrr.

 

Það er lagasetningaspursmál hér innanlands en ekki tilskipunar mál frá ESB.

Svo er þetta veruleikafirrta lið að eyða tíma --dýrmætum tíma í að fjasa um ESB og hvað ofboðslega allt verður nú flott ef við bara förum inn í ESB og gefum allt eftir og göngum á hönd útlendinga. 

Muna menn ekkert um, hvernig við höfum hingað til litið á þá sem reru að því, að koma okkur undir Noregskonunga og stóðu að Kópavogsfundinum eftir að Kalmarssambandið liðaðist í sundur og Danir ,,fengu okkur" ?????

Loddarar og lygamerðir eru nú við stjórn.

Hart er í heimi Hórdómur mikill

Skálmöld

Miðbæjaríhaldið

Ísland stendur undir skuldum

Miklar mannvitsbrekkur þarna á ferð.

Kvótakerfið hefur nánast rústað útgerð frá Reykjanesi.  Ekki þarf mikið minni til, að muna aftur um nokkur ár, þegar siglutrjáaskógurinn var eini skógurinn á Reykjanesi og matarlegt um að litast við bryggjur bæði í Njarðvík, Keflavík og víðar um nesið.

 Kerfið hefur nú nánast gegnið að þeim skógi dauðum og fiskvinnslunni líka.

 

Kvótakóngar vilja auðvitað halda í ,,eigur" sínar þó svo að í lögunum um fiskveiðistjórnun sé það sagt skýrt í fyrstu grein fyrsta paragraf, að veiðiheimildirnar séu´eign þjóðarinnar og til úthlutunar til EINS ÁRS Í SENN.

Mest af kvótanum hefur gegnið milli fyrirtækja í eigu sömu aðila og líkt og fyrirtækin í bankageiranum, gengið kaupum og sölum milli skyldra aðila, þannig að ,,ÓEFNISLEGAR EIGNIR" myndast í bókum þeirra, sakir síhækkandi verðs á ,,kvóta".

Þetta er sömu gerðar og annað svindl og er að mestu komið í eigu Ríkisbankana og því hæg heimatökin, að afsetja þetta aftur beint í opinbera ,,eigu".

 Þetta Líjúgaralið, hefur nánast eyðilagt Flokkinn minn og þegar eitthvað hefur verið myndast við að þrengja að einhverjum þeirra er svarið ætíð það sama, líkt og í ofdekruðum krakkahóp, við EIGUM þetta VIÐ MEGUM þetta.

Útgerðamenn hafa stundum verið harðsæknir til aðstoða og aðstæðna en ekki áður hafa þeir verið svona ófyrirleitnir og sést hefur til dæmis þegar Samherjaforstjórinn sagði um réttkjörin stjórnvöld, að þeir stæðu fyrir bankaráni því stærsta í sögunni, þegar þeir sjálfir voru búnir að spila rassinn svo kyrfilega úr buxunum að það tekur þjóðina áratugi að vinna sig út úr hervirkjum þeirra kumpána.

 

Kvótanum á að úthluta eins og venjulega og fyrna ekkert.  Mín tillaga er því þessi:

Þar sem þetta er ,,hlutdeildarkerfi" skal leggja til úthlutunar eftir því kerfi 0 tonnum.  Þannig verðu hlutdeild hvers um sig í úthlutuninni í hlutfalli við ,,hlutdeild" þeirra í Kvótanum áður og ekkert fyrnt.

Síðan er sett upp kerfi, sem tekur mið af botni, veiðigetu skips, ástandi veiðistofna og fleiri þáttum umhverfisins og veiðidögum úthlutað á svæðum.

Þannig nást allar hugsanlegar eindir verndunar, framlegðar á svæðum, byggðasjónamið og hvað eina.

Mibbó

krefst þess, að afkomendur hans fá svipuð tækifæri til eignar og afnota af innlendum auðlindum og áar hans höfðu.

Hafna fyrningarleið í sjávarútvegi

Nútíma HRÆGAMMAR.

 

Það er hrælykt af þessu liði.

Líkt og af gömmum og öðrum hræætum náttúrunnar.

 

Að vísu eru þeir klæddir í Armani og brúka BOSS ilmvötn til að reyna að fela rotnunarlyktina sem af þeim leggur

EN án árangurs - nema í nefi þeirra sem telja sig fá mola af borðum þeirra SEINNA.

Mín tillaga er, að vísa þessu liði kurteislega úr landi og þakka þeim fyrir komuna en benda á, að við höfum ekkert við þá að gera.

 

 Svo er annað mál með þá sem hvetja ætíð til, að útlendingum sé leyfðar fjárfestingar í íslenskum náttúruauðæfum og öðru sem ætti að vera ævarandi í eigu og fullveldisumsýslu Þjóðarinnar.  Þessir eru oftlega einnig í hópi þeirra sem vilja inn í ESB, sama hvaða verði það er goldið.

 

Mibbó

fyrirlítur landssölumenn, sama hvar í flokki þeir leynast.

 

Áhugi að utan á Geysi Green

Ef þetta er að ,,RYÐJA ÚR VEGI" þá er lús jarðýta.

 

Fjallið tók sótt og því fæddist mús, frekar líflítil en mús engu að síður.

 

Mbl ritarar ættu að vanda málfar sitt og velja lýsingarorð við hæfi.

 

Fyrirsögnin er svona helst til stórkarlaleg fyrir innihald fréttarinnar um ræfildóm og undirlægjughátt.

 

Svo er næsta vers, að formúlera frumvarp með tilgangi, skilyrðum, hæfilegum gildistíma og framgangsmáta öllum.

 

Verði þeim að góðu að berja svoleiðis plagg saman.

 

Varla verða fyrirvararnir minni eða rýmri en hjá Framsókn.

 

Mikið hlægir þetta mig.

 

Miðbæjaríhaldið

ESB-málið til Alþingis

Maður líttu Þér nær.

Villi Egils er að reyna að koma höggi á Davíð og kenna honum um, líkt og hinir skjaldsveinar FL Baugs og félaga reyna nú stíft.

Ætli ofurstyrkir til Flokksins og tengsl áberandi forystumanna hans við útrásarvíkinga auk og með því, að fyrrum samstarfsmenn (og margir nánir) flokksforystu okkar á tímum Davíðs og átaka um fjölmiðlalögin o.fl. skiptu um húsbændur og flykktust til útrásarvíkinga svo undrum sætti.

Einnig er það á vitorði margra, hvernig ráðið var til SA og hver átti þangað að fara og hver varð ráðinn og hver stóð að þeirri ráðningu.

 Ef minni manna nær aftur að okt sl. muna menn auðvitað hver byrjaði sönginn um AGS og svo að GEFA ERLENDUM KRÖFUHÖFUM það sem þeir svona nánast vildu í safni bankana.

Vilhjálmur er ekki í stöðu til, að útdeila sök í þessum málum, svo mikið liggur á borðinu.

Davíð sagði það sem seja þurfti um undirlægjuhátt sumra okkar manna og hve lítil vörn er í þeim í slagnum við element, sem beita fyrir sig aðferðum þekktum úr undirheimum NY og víðar í BNA.

 

Nú er tími til að skoða hvernig menn stóðu í ístaðinu gegn ásælni vissra aðila og hvernig ályktanir ,,samtaka" sem stjórnað er að hmmmm.

 

Með von um, að menn þori nú að tala hreint um, það sem þeir hafa pískrað um sín á milli í aðdraganda fylgishrunsins.

Miðbæjaríhaldið

mun héðan í frá sem hingað til verja grunngildi Sjálfstæðisstefnunnar.

Davíð eyðilagði landsfundinn

Þá veit maður það.

Las þetta á AMX vefnum.

 

Þetta skýrir margt af framgöngu hennar í garð almennings og hvernig hún hefur talað í garð þeirra sem viljað hafa vara við núverandi(hugsanlega þáverandi) húsbændum sínum.

 

Nú getur maður loks sagt með fullkomlega hreinni samvisku, að allt sem frá henni kemur um okkar mál er litað HAGSMUNUM ERLENDRA FJÁRFESTA.

"Edda Rós og Ragnar ráðin á skrifstofu fulltrúa AGS

07:48Edda Rós Karls­dóttir, fyrrverandi forstöðumaður greiningar­deildar Landsbankans og Ragnar Hjálmarsson hafa verið ráðin til starfa á skrifstofu sendifulltrúa Alþjóða­gjaldeyris­sjóðsins (AGS) á Íslandi."

Svona er Ísland í dag og ,,menntamenn og fræðingar okkar.

 

Verði okkur að góðu.

 

Miðbæjaríhaldið

Svo bregðast Krosstré, sem aðrir raftar.

 

Var að flakka um netið og kíkti inn á blogg Gísla Marteins.  Bjóst við að þar væri að finna hressileg skrif og þannig bjóða manni í brjóst von um, að enn væru hreðjar undir ungum Íhaldsmönnum EN ÞETTA VAR ÞAÐ SEM HANN HAFÐI TIL MÁLA AÐ LEGGJA:

 

"Skynsamlegt hjá Sigmundi og Össuri

Það er mjög ánægjulegt að Sigmundi Davíð Gunnlaugssyni sé að takast að leiða ríkisstjórnina í rétta átt, með því að leggja til að erlendir kröfuhafar í bönkunum eignist hluti í þeim. Össur Skarphéðinsson segist í dag vera hlyntur því að reyna þá leið og Steingrímur J. Sigfússon hefur frá upphafi talað af ágætu viti um nauðsyn þess að lækka skuldirnar. Ég fjallaði um þetta mál í fyrri færslu.

Merkilega lítið hefur annars verið fjallað um þetta meginatriði kreppunnar. Upphæðirnar sem við ætlum að setja inn í bankakerfið eru til dæmis allt of háar. Mjög einföld leið til að lækka skuldirnar er að hafa þá upphæð lægri. Nú er reiknað með að ríkið setji tæpa 400 milljarða inn í bankakerfið. Ég hef hvergi séð þeirri spurningu svarað af hverju þessi upphæð þarf að vera svona há. Árið 2000 var eigið fé bankanna tíu sinnum minna en þetta, eða rétt um 40 milljarðar. Hver einasti milljarður í skuldir heldur aftur af upprisu okkar á nýjan leik. Við höfum verið að vona að fyrst Ísland var fyrst niður, gætum við orðið fyrst upp þegar ástandið fer að skána. Það gerist því síðar sem skuldirnar verða hærri.

Það er því mikið fagnaðarefni ef þessi ríkisstjórn ætlar sér að reyna að hafa hemil á skuldunum með því að hleypa erlendum kröfuhöfum inn í bankana, og minnka þá framlag ríkissins á móti.

This entry was posted on mánudagur, 23. febrúar, 2009 at 13:12 and is filed under Uncategorized. You can follow any responses to this entry through the RSS 2.0 feed. Responses are currently closed, but you can trackback from your own site.

Comments are closed."

Eins gott að var lokað fyrir kommentin hjá honum, hefði að líkum sagt eitthvað sem lítt væri prenthæft.

 

Ég bara skil ekki þessa undirlægju í mönnum, að vilja láta af hendi eitthvað sem ekki er þeirra að gera.

Ég skil ekki hvað er svona öðruvísi með þrot ísl banka og erlendra.

Ef útlendur banki fer í þrot, eru innlendir ,,kröfuhafar"með ríkissjóði í broddi fylkingar, sem hirða allt sem til er í búunum.

Hver bandarískur bankinn fer á hausinn af öðrum en Kínverjar eiganst aldrei svo mikið sem flís af tröppum bankana.

Þessir spekúlantar innlendir eru upp til hópa aumingjar, skíthræddir og hreðjalausir og því varla til undaneldis.  Mikið sé ég eftir mönnum sem þorðu, hvar er Matti minn Bjarna sem bauð bresku elítunni allri byrginn með vissu um, að hafa sigur að lokum og ekki vantaði Þor í Geir Hallgrímsson, sem fór gegn ofurefli gróðapunga innan okkar ástkæra Flokks og hafði sigur.

Einar Oddur þorði og tók menn á eintal og talaði um fyrir mönnum.

 

Mikið er útþynnt efnið í mönnum þegar okkar ungu menn þora ekki að láta skríða til skarar með eitt né  neitt og pólitísk eftirmæli þeirra verður

 

,,maybe I should have"

 

Miðbæjríhaldið

,,ennþá"

 

 

Mikið er gaman að lesa þetta.

Vonandi verður þetta ekki til þess að rafmagnið hækki.

Ef miðað er við Kaupmannahöfn, er hér mikil búbót.

Gæti þetta verið tengt eignarhaldi á veitustofnunum þessara landa?

 

Værum við ekki í enn verri málum, hefði Rei Rei og Ró Ró komist yfir allt sem tíl stóð?

 

Miðbæjaríhaldið

Rafmagn ódýrast á Íslandi

VÆLUKJÓI með asklok að himni.

 

Hagfræðingar landsins eru hverjir af öðrum að gera sig að brjóstumkennanlegum vælukjóum og það sem verst er, --þeir taka með sér pólitíkusana, sem ekki þora að andmæla þeim.

Það er gersamlega útí hött, að við uppskerum virðingu með því að leggjast undir svona braskara, sem afar margir af ,,kröfuhöfum" á hendur bankana eru.

 Það hefur nú aldeilis heyrst í ,,kröfuhöfunum" okkar í gömlu bankana.  Kröfur um, að Kaupþing borgi veðmál sem gerð voru í stöðutöku GEGN ísl þjóðinni.

 Ef menn yfirleitt hlusta á þann söng, að ,,VIÐ EIGNUMST VINI",--ENDURTEK VINI, MEÐ ÞVÍ AÐ LEGGJAST NIÐUR OG BJÓÐA AFNOT AF SKROKK ÞJÓÐ'ARINNAR, til að friðþægja fýsnum braskara í auðfenginn gróða, eru menn virkilega á villigötum.

Það er þekkt í Mannheimum, að borin er virðing fyrir þeim, sem berjast þrátt fyrir ofurefli en leggjast ekki niður og láta það verða er verða vill.

Ef hreðjar eru undir ráðamönnum biðja þeir svona aumingja aldrei þrífast og láta af kennslu í svona fræðum, því nægar eru úrtöluraddir og nægar eru syndir þeirra Hagfræðinga sem voru í KLAPPLIÐINU OG FREYÐIVÍNSFUNDAHÓPUNUM, þegar þjófar riðu um héruð og töldu menn á, að þar færu miklir höfðingjar sem allt gætu og væru ósnertanlegir með öllu.

 

Meistarar ei meir --ei meir.

 

Miðbæjarihaldið

Gylfi Zoëga: Svartar horfur á Íslandi