Hvað er satt og hverju logið?

 

Hef verið að skoða hug minn um fjölmiðlun þegar svona skammt er til kosninga.  Æsiféttastíllinn er yfirgengilegur og á tíðum þannig, að maður hefur ekki undan að trúa.

Fréttamenn áttu viðtal við einn frambjóðenda Samfylkingarinnar, sem eru í stjórnarandstöðu en hún gegnir stjórnunarstöðu við Geðdeild Landsans.  Henni lá nú ekki vel orð til stjórnvalda og láðist auðvitað að geta þess, að svona eittþúsund milljónir af svonefndum Símapeningum, hafi verið eyrnamerkt einmittt þessu úrlausnarefni.  Talaði um svikin loforð og svik hér og þar.

Stjórnandi BUGLsins hefur einnig uppi allgrófelgar og digurbarkalegar fullyrðingar um erfiðleika við mönnun sinnar stofnunar og þar afleiðandi þjónustu.  Ekki minntist hann að heldur á þessa aura, sem hugsanlega eru í hasn augum´skiptimynt.

Svona til að vera þversum og trúr kverúlansíunni, verð ég að setja hingað inn dæmi um framgangsmáta, sem varla er til eftirbreytni.  Vinafólk mitt á barn (ungling) sem á við ákveðinn vanda að etja.  Viðkomandi var ,,vistaður" á BUGL og töldu foreldrar hans, gæfulega horfa.  Þegar þau vildu inna eftir framvindu og hvernig liði, var erfitt að ná í ,,fagfólkið"  það var nefnilega mjög svo upptekið á ,,fundum" , bæði á vinnustað og úti í bæ.  Vingjarnlegast var það starfsfólk, sem ekki var ,,fagfólk" heldur bara sjúkraliðar og slétt og fellt starfsfólk.

Hinir voru á fundi.

Hvernig í andsk..... er hægt að hafa undan að trúa þessu liði?  Þeir sem ekkert finna í sínum ranni, sem betur mætti fara en kenna öðrum um aðstæður og framgang, missa hratt rúverðuleika sinn í mínum huga, --þegar nær dregur kosningum.

Svo er ekki úr vegi, að minnast á þann arma mann, sem taldi sér ekki sæmandi, að koma til Íslands, síns heimalands, vegna þess, að hann hefði það svo miklu miklu betra á Sósíalnum í Danaveldi.  Þessi kvað hafa verið einn af átta fundarmönnum í Köben á vegum Samfó um vanda samneyslunnar á Íslandi haldinn íslenskum íbúum Danmerkur til uppfræðslu, svona rétt fyrir kosningar.

 

Mikið geta menn lagst lágt að láta aðra sjá sér farborða en landa sína.

 

Miðbæjaríhaldið

Athugasemdir

[Jakob Falur Kristinsson, 27.4.2007 kl. 08:04]

Hún hafði alveg hárrétt fyrir þessi kona sem þú ert að vitna í Bjarni, því svikin loforð eru út um allt eftir núverandi ríkisstjórn.  Að eyrnamerkja einhverja peninga er engin lausn á þeim vanda sem þetta starfsfólk er að glíma við í dag og stjórnarþingmenn eru ekki allir orðnir sáttir um ráðstöfun símapeninganna.  Lýður Árnason læknir á Flateyri sem er á lista Frjálslynda Flokksins í Norðvesturkjördæmi benti á athyglisverðar lausnir í viðtali í þættinum Silfur Egils sl. sunnudag og nefndi sem dæmi og færði fyrir því rök að með byggingu á nýju sjúkrahúsi væri verið að færa heilbrigðisþjónustuna nokkra áratugi aftur í tíma.  Þú ættir að kynna þér þetta viðtal  En talandi um fundi hjá opinberum stofnunum á það nú ekki eingöngu við um spítala.  Ég veit ekki betur en þetta íhalds- og framsóknarlið sem raðað hefur verið á ríkisjötuna sé sitjandi á tilgangslausum fundum stóran hluta af sínum vinnutíma.  Og í Utanríkisráðuneytinu er ástandið þannig að þar hefur ákafinn verið svo mikill undanfarin ár, að þar sitja 12-13 sendiherrar sem ekki er hægt að koma fyrir í sendiráðum og erum við farin að leita til Afríku til að finna lönd þar sem við gætum opnað sendiráð í.  Þessir 12-13 sendiherrar mæta í ráðuneytið á morgnanna  og lesa blöðin, leika sér eitthvað í tölvunni og hittast svo og spjalla og kalla það fund.  Því þeir eru algerlega verkefnalausir og verða að láta daginn líða einhvern veginn.