Af hálfsannleik.

Nú fara menn mikinn í yfirlýsingum um hvaðeina og eins og svo oft gerist í hita leiksins, skeyta menn misjafnlega um, hvað er kórrétt, heldur vilja margir hafa það sem betur hljómar fyrir þeirra ,,málstað".

Þetta var nú bara kallaðir lygarar á mínu bernskuheimili.

,,Virtir" fræðimenn skrökva með tölum og skýrslum, hverjar þeir hafa uppdiktað og soðið.  Síðan er lagt út frá þessu bulli þeirra, eins og þar fari rit á pari við Hið Nýja Testamennt.  Frambjóðendur, vilhallir þessum ,,fræðimönnum", tala sig hása og belgjast út af vandlætingu yfir ,,niðurstöðum virtra fræðimanna".  Falleinkunnir gefnar hægri vinstri og seilst langt um, til að láta allt líta sem hræðilegast út.

Alið á öfund, hver eiginleiki er í flestum en misgrunnt á því, gefið í skyn en ekki beinlínis sagt og svo er allt kórónað með því, að vitna í áður framkomna umræðu.

Þetta voru nú kallaðir loddarar og ómenni á mínu heimili.

Hef heyrt íallmörgum kunningjum núna frá Sumarmálum og verið að rabba við þá um hvað þeir ætli nú að gera í gróandanum, þann 12.  Flestir svara nú eins og ég hafði við búist en komið hefur fyrir, að einn og einn, hafa haldið nokkra tölu um, hvað illa sé nú farið með gamla fólkið og hversu miklar skerðingar séu viðhafðar þegar aurum er útdeilt.

Í sumum tilfellum, aðalega þegar ég hef þekkt nægjanlega vel til, hef ég oftast haft ástæður til að spyrja viðkomandi, sem nýverið var að kvarta sárann um aðbúnað gamla fólksins, --hvernig hafi verið í fríinu um Jólin á Kanarí eða eftir atvikum,- Flórída, hvort forgjöfin hafi ekki lækkað og hvenær viðkomandi ætli út aftur íhaust eða næstu Jól.

 Það er nefnilega svo yndislegt, að menn geta ferðaaast um og haft það gaman í svo mörgum tilfellum, áhyggjulausir og glaðir.  Ekki svo að skilja, að allir geti það.  Vissulega eru til þeir, sem verulega þurfa aðstoð og á hún að vera sjálfsögð. 

Punkturinn er, hversu ánægðir við megum vera, hvað margir hafa það bara fínt og geta leyft sér margt  á sínum efri árum.  Það er stórkostlegur árangur og vissulega eigum við að viðhalda þessu, síðan gera betur.

Þetta lið, sem er á listum stjórnarandstöðunnar og vinnur hjá Geðsvið Landsspítalans ætti auðvitað að la´ta þessa getið, ÁÐUR en þau fara í viðtöl við fréttastofurnar. Síðan ættu fre´ttamenn að vinna vinnuna sína og spyrja viðkomandi út í áður birtar greinar frá þeirra eigin hendi um aukin fjárframlög og ánægju með lausn húsnæðisvanda BUGLS.

 Ef stjórnmálamenn gerðu sér grein fyrir Höfuðsyndunum Sjö og færu nú að varast þær, ykist til muna virðing þeirra og þá vegsemd.

Gjör rétt þol ei órétt

 

Miðbæjaríhaldið 

Athugasemdir

[Björg F (IP-tala skráð) 7.5.2007 kl. 16:32]

Getur verið að "þetta lið" sem er að vinna á geðsviði Landspýtalans sé á listum vinstri manna vegna þess að þeir þrá að sjá einhverjar breytingar innan síns geira? Getur verið að þess vegna séu viðkomendur orðnir vinstri sinnaðir? Vegna þess að þeir sjá að FramsóknarÍhaldið hefur ekki staðið sig nema skammarlega? Hvort kemur á undan, hænan eða eggið? Fólk sem vinnur við þessi svið er yfirleitt að koma fram af heilindum og tekur þ.a.l. þátt í pólitík vegna þess að það vill sjá breytingar. Athugaðu nú mitt kæra Íhald hvort að fólk hafi ekki rétt á að tjá sig um sín störf opinberlega án þess að þurfa að segja það fyrirfram að það styðji ákv. flokk. Skrítið finnst mér að íhaldið geti ekki tekið mark á neinum sem ekki eru þeim þóknanlegir á kosningadegi.