Hvað gera menn með kerfi sem virka ekki?

Enn ein ,,Svört skýrsla", menn kippa sér svosem ekkert mikið upp vegna þessa.  Eru orðnir vanir því og business eins og venjulega ,-fljótlega.

MEnn virðast vera nokkuð ónæmir fyrir þeim vísbendingum, sem fram koma reglulega frá lífkeðjunni.  Yppa öxlum og halda fast í KERFIÐ.  Menn láta sig hafa það, að mæra kerfið útum allt og flytja hjartnæmar ræður, því til mæringar á hverjum fundinum af öðrum, sem haldnir eru á erlendri grundu og fundamenn hafa ekki aðstæður til að skoða, hvað raunverulega liggur að baki og hvað fer vaxandi. 

Augljóst er af ráðgjöf Hafró, að innistæðan í lífríkinu fer hratt minnkandi.  Samt gerast sjóðir sumra enn digrari og ákveðni LÍÚ um yfirráð eða ,,samráð við hagsmunaaðila" yfir lífríki sjávar í kringum landið verði viðurkennd verslunarvara hverjum ,,handhafa" til frjálsrar notkunar.  Næsta skref verður auðvitað, að þeir krefjsit þess, að markaðstorg þeirra verði útvíkkað og öll Evrópa verði undir, líkt og með fyrirtæki á markaði.

Það þýðir á Íslensku, að yfirráð þjóðarinnar verður einskisnýtur pappír og raunverulegt val yfir auðlindinni farin um aldur og ævi til útlendra manna.  Svo má aldrei verða.

Semsagt, hvað gera menn við kerfi, sem ekki virkar?  Menn eiga mis mikið langlundargeð og nú er ljóst, að stjórnvöld hafa haft geð í sér, að láta reka á reiðanum um 23 ára skeið í þeirri veiku von, að eitthvað hressist í lífríkinu, þrátt fyrir, að útlitið og svona meðal skynsemi, segi mönnum, að útgangspunkturinn er vitlaus, forsendur eru kolrangar og það sem skiptir máli, tekið út fyrir sviga.

Kvóti getur aldrei notast til að stjórna þáttum lífríkis, ef veiðarfærin eru tekin út fyrir sviga og græðgi mannsins líka.  Kerfin verða að vera smíðuð þannig, að allt sé inni og uppmældur afli verði ekki til grundvallar veiðum. Það ber einfaldlega dauðann í sér, sem dæmin síðastliðin ár bera með sér og reynslan hér er ólygnust í þeim efnum.

Nú er bjargfuglastofninn í hættu og Sílamáfar (Veiðibjöllur) upp um allar sveitir, að berjjast um æti og voma yfir yngum mófugla.  Hef séð flekki af fuglum í flögum, sem verið er að velta undir sáningu.  Þar éta þeir maðk og allt sem gogg á festir.  Síðan berja menn hausnum við steininn og halda því fram, að allt sé í hinmalagi í lífkeðjunni og eina sem beri að gera, sé að banna Lundaveiðar.

 

Hvenær ætla menn að játa fyrir sjálfum sér, að kerfið er liðónýtt.  ÞEtta minnir á Alkana, þeir verða fyrst að viðrukenna vandann, svo afla sér aðstoðar til að losna undan dópinu, í þessu tilfelli kvótakerfinu.

 

Miðbæjaríhaldið

Athugasemdir

[Magnús Þór Hafsteinsson, 4.6.2007 kl. 11:19]

Sæll Bjarni

Ég hef verið að skoða skýrslu Hafró og satt best að segja, þá er ég skíthræddur. Oft hefur maður haft áhyggjur af ástandinu en aldrei eins og núna. Ég sagði einhvern tímann í þingræðu yfir hausamótunum á Árna Matt eða Einari K. eða báðum að það loguðu allir mælar á rauðu í fiskveiðistjórnuninni. Það ríkti vistfræðikreppa í hafinu við Ísland. Nú eru perurnar hreinlega að springa. Það er rétt að fuglinn hefur ekkert æti. Þetta höfum við bent á, og nú er Mogginn loksins að skrifa um það í dag. En þetta var líka svona í fyrra og árið þar áður. Ef þú skoðar skýrslu Hafró og glærurnar sem fylgja þá er þorskurinn grindhoraður og ýsan sömuleiðis. Náttúran engist og æpir á okkur en það er eins og menn hreinlega vilji ekki skilja þetta heldur hlaupa fyrir björg með allt heila gillimojið í fanginu. Ég hef gert upp hug minn varðandi hvað ég vil að verði gert. Þetta verður mjög harkaleg lending en við eigum engra annara kosta völ nema við viljum fá yfir okkur algert hrun. Þá glötum við sjálfstæði þjóðarinnar. Game over.