Kattarþvottur enn sem komið er. Meira þarf til að traust og trúnaður ríki að nýju.

Mér er þungt í sinni að skrifa um þetta mál.  Hér virðist Vilhjálmur ekki hafa uggt að sér og treyst mönnum sem huggðu flátt.

Svikin eru stundum í afar fallegum umbúðum og skreyttar vel.  Það er svo oft í Mannheimum, að vél eru brugguð, sérstaklega þegar aurar eru í spilinu.

Allt þetta mál er með hreinum ólíkindum.  Hvernig í dauðanum gátu menn samþykkt, að Bjarni fengi að kaupa stóran hlut í þessu fyrirtæki, sem stjórnarmaður?  Hér er um opinbert fyrirtæki að ræða og fá fordæmi eru fyrir svo stórum forkaupspakka.  Að vísu eru fordæmi fyrir minni gerðum í þessa veru en jafn óviðeigandi er þetta.

Bjarni var við störf í banka, sem er í eigu einmitt þeirra manna, sem nú semja um samruna,--yfirtöku á REI.  Því að eftir samrunann er Rvíkurborg í minnihluta og því nánast áhrifalaus.  Við sama banka starfar nú fyrrum þingmaður og ráðherra, já jafnvel talinn vera erfðarprins að formannstign í Framsókn og bróðir stjórnarmanns í Landsvirkjun, synir MAgnúsar Bjarnfreðssonar. 

Fundastjórinn á fundi um samrunann var fyrrum lögmaður eins aðaleiganda Geysir green að vísu afar vandaður og duglegur lögmaður en tæplega hægt að segja hann algerlega óvilhallann eða hægt að ætlast til slíks af honum, ef horft er til tengsalnna.

Það fær mig ekki nokkur maður til, að trúa því, að Bjarni hafi bara sísvona látið af bankastjórastöðu upp á von og óvon, að hreppa eitthvert feitt embætti í náinni framtíð.  Sú framtíð virðist nú blasa við og gefur undir fótinn um spekuleringar um lævísleg plön um, að ná höndum yfir raunverulega eign Borgarbúa.  Þetta er ótækt að fram fari, óáreitt.

Hvað er eiginlega að hjá fjölmiðlungum þjóðarinnar?  Sjá þeri ekki sporin, spor sem eru sem nýstigin í mjöll eftir logndrífu?  Hvernig má það vera, að engum detti í hug, að inna þessa menn eftir þessum augljósu tengslum?

Ég get að vísu ekki ætlast til, að fjölmiðlar í eigu þeirra sem hér eru að véla um verulega hagsmuni sína.  Það er ofætlan og fáum dettur í hug, að þaðan komi nokkur rýni, sem máli skiptir.  Hitt er óyndislegra, að Ríkisfjölmiðlarnir skuli bara setja rabbfundi við málsaðila og knýja ekkert um svör um það sem við blasir.

Nei hér dugir ekkert annað en, að allir svonefndir kaupréttir verði afturkallaðir hið' snarasta og samruninn tekinn til baka.

SVona gera menn ekki.

 

MEð virðingu fyrir Vilhjálmi og borgarfulltrúum okkar öllum

 

Miðbæjaríhaldið

Átti að vaða yfir okkur

Athugasemdir

[Stefán (IP-tala skráð) 8.10.2007 kl. 11:28]

Það er alltaf að koma betur og betur í ljós hverskonar mann Bjarni Ármannsson hefur að geyma. Hann virðist láta stjórnast af taumlausri peninga og valdagræðgi.