Hættið að grafa ykkur dýpra, kæru vinir í borgarstjórnarflokki Sjálfstæðismanna!

Bíðið og sjáið, hvað fram vindur í þessu máli.

Málsmeðferð verður eða hefur verið kærð af VG.

Mín tillaga er og hefur raunar alltaf verið, að rifta þessu öllu saman og leggja niður REI.

Nú virðist vera, að mjög margar upplýsingar í þessu máli hafi ekki legið fyrir og sumt, sem sagt var við borgarfulltrúana, rakalaus þvættingur,--öðru nafni LYGI.

Munið orð fyrrum foringja okkar hans Davíðs, að þegar menn eru í djúpri holu, skuli menn hætta að grafa.

Eignarhluturin í Hitaveitu Suðurnesja er ekki ukkar að ráðstafa.  Menn á Suðurnesjum vildu selja OR --vegna þess, að þá væri eignin áfram í eigu OPINBERRA AÐILA og í SAMfÉLAGSLEGRI eigu.  EKKI BREGÐAST ÞEIM TRÚNAÐI, SEM YKKUR VAR SÝND Í ÞVÍ MÁLI.

Ef satt er, fékk Bjarni að kaupa hlut í REI í nafni HLUTAFÉLAGS.  Því er ákvði um eign hans á hlutunum algerlega úti í vindinum og ekkert sem kemur í veg fyrir, að húsbændur hans fáið að ráðstafa þeim hlutum að geðþótta, þar sem honum er í lófa lagið, að framelja HLUTAFÉLAG til alóskyldra aðila.

Öll tilurð og allt í þessu ferli er svikum og ósannindum varðað.  Því BER ykkur að rifta þessu öllu og gera þeim vinum ykkar greiða, með því að vara þá við viðskiptum við nóta á borð við þá sem höfðu borgarfulltrúana að leiksoppum og fóru fram þannig að til háungar er og ef þið eru ð ekki algerlega GEÐLAUSIR, þá látið þið kné fylgja kviði í þessu máli.

 

Aftur vitna ég í Davíð, þegar ég segi  SVONA GERA MENN EKKI.

Með kærri vinarkveðju, því sá er vinur er til vamms segir

 

Bjarni Kjartansson

nefndur

Mi'bæjaríhald

Athugasemdir

[Jakob Falur Kristinsson, 12.10.2007 kl. 11:26]

Þetta er alver hárrétt hjá þér Bjarni, en því miður höfðu borgarfulltrúar sjálfstæðisflokksins ekki vit á að hætta að grafa og hætta öllum sínum árásum á Vilhjálm og því fór sem fór.  Þeir hreinlega fóruðu meirihlutanum vegna þessara láta.  Þetta mál hefði verið auðvelt að leysa en borgarfulltrúar D-lista hleyptu þessu máli í þvílíkt uppnám að ekki varð við neitt ráðið.  Ég ætla ekki að gagnrýna Vilhjálm sem borgarstjóra, því hann stóð sig vel, en fékk ekki traust og stuðning sinna manna, þrátt fyrir að margir og þar á meðal þú hafir bent þessum mönnum á að fara varlega.