Bull og vitleysa og nú Jón Sig.

Það er með hreinum eindæmum, hvað menn eru bernskir eða bara einfaldir í uppgjöf sinni gagnvart gróðaöflunum, sem sum eru með þessa menn ´a fóðrum.

 

Halda menn virkilega, að við fáum að vera í friði og spekt með okkar Landbúnað og Fiskveiðar??

 

Til þess að geta sagt það og meint það af hjartans einlægni, þurfa menn að vera annaðhvort bernskir, blindir og heyrnalausir, ekki skaðar að vera tregir líka.

Að segja svona vitleysu -með hreina samvisku,- er ekki hægt öðruvísi.

ALLIR Bretar og Skotar, sem átt hafa sitt undir fiskveiði og sókn á miðin, segja að þeim hafi verið lofað og lofað svo enn, að ekki kæmi til, að Spánverjar og Frakkar kæmust inn á þeirra mið, né að þeir fengju að versla með ,,Kvóta" þeirra.  Annað kom á daginn að þriggja ára endurskoðunar- ákvæðis tíma liðnum.  Allt tóm lygi.

 

Síðan er fróðlegt að hlusta á og lesa það sem bændur víða um Þýskaland hafa að segja um Evrópubandalagið.  Þeir eru ekki par hrifnir.

 

Þó svo, að okkar veikburða Króna eigi afar erfitt uppdráttar nú hin síðari misserin, mega menn ekki fara á taugum að boði sinna húsbænda.

 

Ef og ég segi EF að þarf að skipta út greiðslumiðli, er miklu miklu affarasælla, að taka upp Sviss Frank, ef litið er til verðsveiflna.  Evran er gjaldmiðill, sem er í síauknum mæli, að verða miðlunargjaldmiðill, líkt og var með US$ fyrir ekki svo löngu. 

Gjaldmiðill sem er með alþjóðlega tilvísan er svissneski  Frankinn.  Ef það er í raun vilji manna, að binda við, eða taka upp annan greiðslumiðil, er Evran algerlega úti á túni í þeim efnum, sem eftirsóknarverðast er.  Alminnstu sveiflur eru í svissneska Frankanum en EKKI í Evru.

Hinsvegar ef það er vilji manna að ganga erlendu valdi á hönd, er það kurteisi, að viðurkenna það í orðræðunni. 

Pabbi minn var ungur maður, þegar kosið var um hvort ætti að segja skilið við Dana kóng strax eða síðar.  Hann gerði sér fulla grein fyrir, að sjálfstæði væri ekki unnið einusinni, heldur væri það æviganga hverrar kynslóðar, að berjast fyrir því vegna ásælni annarra og að menn þyrftu að halda vöku sinni og gaumgæfa alla hluti ,út frá því hvort verið sé að slægjast eftir óeðlilegum áhrifum og ,,réttindum" hérlendis fyrir erlenda þegna.

Það er gömul saga og ný, að Asni klyfjaður Gulli, kæmist yfir flesta borgarmúra.

Eins er svo, að Gullglýju má bregða fyrir augu fólks, rétt á meðan að verið er að láta smella í handjárnunum.

 

Íslandi allt!!

Miðbæjaríhaldið

Tímabært að sækja um ESB-aðild