Undarlega hljótt eða er Moggi svona lítið lesinn?

Ég hef verið að bíða eftir því, að einhver setji inn á bloggið, grein Ragnars Önundarsonar, sem hann reit í Morgunblaðið þann 10 þ.m.

Menn hafa ekki einu sinni vitnað í hana, eins mjög og hún á við í umræðu dagsins.  Furulegt hvað Morgunblaðið er að verða máttlaust blað, miðað við það sem var, bara fyrir örfáum árum.

Í grein sinni er Ragnar að fara yfir sviðið hvað varðar Frjálshyggju og forréttindi.  Þarna skrifar maður af hinni hreinu sort Sjálfstæðismanna, með báða fætur á jörðinni. 

Fer yfir eignaupptöku á þeim tímum, sem ,,sumir" fengu að taka lán með neikvæðum vöxtum, síðan Kvótann og þann virðisauka, sem menn voru leystir út með, þegar þeir hættu í útgerð, óskattlagt í alflestum tilfellum. 

Síðan tæpir hann á Einkavæðingunni og þeim aðferðum sem þar voru notaðar.  Ekki greinir hann á við þá stefnu, að einkavæða, heldur frekar að ,,sumir" fengu að braska með eigur ríkisins og endurselja með ríflegum hagnaði, lítt skattlögðum.

Verðbólur sem búnar voru til, með BEINUM hætti og fullmeðvitað og hvernig ,,innherjar" gátu selt, við ofurgróða, ÁÐUR en bólurnar tóku að springa hver af annarri.  Allt lítt skattlagt.

Síðan spyr hann hinnar skiljanlegu spurningar, af hverju Frjálshyggjumenn fæstir berjist GEGN svona löguðu, heldur dundi sér,--að því er virðist,--við að búa til sífellt fleiri undanþegnum sérreglum, fáum til handa og annarra til greiðslu.  Siðast rifjar hann upp, hvernig Eignaskatturinn hafi ekki náð þeim tilgangi sem til var ætlast og gefur í skyn, að menn hafi EKKI verið að hugsa um venjulegt fólk,  sem er að fara á eftirlaun, heldur stóreignamenn sem nú geta safnað eignum, ÁN greiðslu eignaskatta.

Enn aftur ritar Ragnar grein af spakviti og íhygli.

AF hverju í ósköpunum er ekki leitað til hans um lagfæringar í peningareiðum landsins heldur til starfandi forstöðumanns í brask-sjóði????????????????

 

Á hvaða göngu er Flokkurinn minn????

 

Nú er að ryðja sali Flokksins og endurheimta hann, líkt og í Musterinu forðum, eru braskarar búnir að koma sér fyrir í innstu sölum hans og þar þarf gagngera hreinsun, ef ekki á að verða brestur í fylgi við hann af þeim, sem bjuggu hann til og eru í sínu innsta eðli Sjálfstæðisfólk en ekki beygðir maurapúkar af Fagin gerðinni.

Miðbæjaríhaldið