Bjarni Kjartansson

7.10.2008 | 10:07

Bréf til Jóhönnu Sigurðardóttur.

Frú félagsmálaráðherra

Jóhanna Sigurðardóttir.

Með tilvísan til ákvörðunar um, að þeim skuldurum, sem skulda sín húsnæðislán í útlendri mynt, vil ég beina eftirfarandi til þín, með von um, skoðun á þeim liðum og jafnvel góðfúslegu svari.

1. Þar sem fyrir liggur, að beita skuli gengi frá þeim tíma, sem lánin voru tekin, og að margt hefur á gengið síðan, vil ég að til skoðunar komi, að lán okkar hjóna og auðvitað barna okkar einnig, verði skoðuð, með svipuðum hætti.

2. Að Verðtryggingastuðull /Vísitala, þess tíma sem gjaldeyrislánin verða skoðuð, verði látin gilda á okkar lán. Semsé, að bakfærðar verði allar verðbætur frá þeim tíma, til jafntíma gjaldeyrislánafyrirgreiðslu.

3. Að skoðað verði gaumgæfilega, hver áhrif beinar aðgerðir banka og fjármálastofnana hafa haft á gengi ísKr og hvernig þær aðgerðir tengjast hækkun vísitölu og þannig EFTIRSTÖÐVUM lána okkar hjóna.

4. Að skoðað verði ofan í kjölinn, hver áhrif beinna aðgerða fjármálastofnana hafa haft á hag Lífeyrissjóða, sem eru í ,,vörslu" þeirra bankastofnana sem um þá sjóði fjalla. Skoða, hvernig útrásarvíkingarnir okkar hafa búið íbúum Lýðveldisins Íslands, mun verri kjör til framtíðar að líta en þurft hefði án aðgerða til hækkunar vísitölu og þannig eftirstöðva lána.

5. Að þeir sem hagnast hafa verulega á svoddan braski, af hverju við h0öfum beðið verulegan skaða af, greiði til baka, því sem jafnt mætti telja eðlilegan tekjuskatt af þeim upphæðum, sem þeir sannanlega hafa tekið sér til framfæris og brasks.

Allt er þetta sett fram vegna þess, að eitt skal yfir alla ganga og að það sem einum er leyft, skal öðrum heimilt.

Líkt og réttindi og skyldur allra íbúa Lýðveldisins Íslands, skulu jafnt út deilt, með vísan til allskonar laga, svo sem Stjórnarskrár, og hinna mjög svo vinsælu laga um Stjórnsýslu.

Með virðingu

Bjarni Kjartansson

Stundum nefndur,

Miðbæjaríhaldið

Flokkur: Bloggar | Facebook