Til hamingju Ingibjörg.

Verð að segja, að ég er afar sáttur við viðbrögð Ingibjargar vegna sprengjuregns Ísraelsmanna á hálfberrassaða Palistínumenn.

Ég er nokkuð stoltur yfir því, að hér þorir okkar utanríkisráðherra, að tala hreint út um vitfirringu svona aðgerða og hvernig aðþjóðasamfélagið leggst æ ofan í æ, í duftið þrátt fyrir síendurtekin brot á aðþjóðasamþykktum um, að látið verði af árásum og allskonar sáttmálum um Kjarnorkuvopn og svoleiðis.

Það eru svosem ekki allir bloggarar sammála mér.  Fulltrúi annara skoðana er til dæmis:

Annar bloggari, sem hefur verið nokkuð duglegur að setja inn komment með aðdáun á Gyðingum og öllu sem þeim tengist.

 

Titlar sig Sagnfræðing búsettan í Danaveldi.

Fór gegn fátækum bændum, sem fundu fornmuni en hann taldi óekta og tilbúning.  Reyndi að ræna þau æru og heiðri.

Ég vil peista inn viðbrögðum han s hér, sem dæmi um svívirðingar birtar án nafnleyndar.

hann skrifar undir nafni : Vilhjálmur Örn Vilhjálmsson

 

Ingibjörg Sólrún Gísladóttir á við mikinn vanda að stríða. Það er ekki nóg með að hún ljúgi og pretti þjóðina sem ráðherra í vitaduglausri ríkisstjórn, sem voru meðreiðarsveinar þeirra sem stútuðu efnahag Íslensk almennings. Hún lýgur líka í opinberum yfirlýsingum um alþjóðamál. Það eru mál sem hún hefur meiri áhuga á að vasast í en rústum efnahags íslensks almennings.

Imba er greinilega enn ekki búin að sætta sig við að hún varð ekki prímadonnan í Öryggisráðinu, eftir að hafa borið glás af peningum þjóðarinnar á hryðjuverkaríki og haldið pönnsuveislur í New York. En í miðju volæði Íslendinga hefur hún nú skapað pínkulítið öryggisráð í Reykjavík, þar sem hún og hún ein sendir út óhugsaðar yfirlýsingar, sem hún hefur kannski rætt yfir cappucinobolla með  litlu stelpunum sem hún hefur safnað í kringum sig og sem hún kallar aðstoðarmenn.

Í gær gagnrýndi Öryggisráð Imbu Sollu Ísraelsmenn fyrir að brjóta alþjóðalög. Hún gagnrýnir aldrei aðrar þjóðir en Ísraelsmenn fyrir að brjóta alþjóðalög. Þegar Rússar brjóta lofthelgi Íslands, flissar hún og er með píkuskræki eins og Pútín-groopie í Vladivostok.

Án þess að nefna Hamas á nafn í viðtali, sem Sjónvarpið átti við hana í gær, og þar sem hún lýsti Ísrael sem aðalvandanum í heiminum, mátti skilja á henni að Hamas væri með í einhverju friðarferli. Hamas hefur neitað að ræða frið við Ísraelsmenn. Hamas er í stríði við sitt eigið fólk. Hamas hefur ávallt haft eyðingu Ísraels að markmiði og útrýmingu gyðinga sem æðsta takmark. Engar ríkisstjórnir í Evrópu, nema Imbu-Ísland, telur Hamas vera í friðarferli.  Hamas eru ekki friðarsamtök. Friður er ekki á dagsskrá Hamas. Evrópusamband það, sem Imba vill stíma inn í á sérstakri undanþágu fyrir Íslendinga, lítur á Hamas sem hryðjuverkasamtök.

Imba litla er í sínum eigin heimi. Hún er er með það sem sérfræðingar kalla messíaníú. Hún heldur að hún sé valin af Lenín, Stalín og Maó í paradísinni Útópíu til þess að koma á friði í heiminum.  Kona sem ekki getur komið málunum í lag á íslenska heimilinu, ætti bara halda sér heima hjá sér eða láta sér nægja um að  fantasera um slæðudans í Haremi voldugs Sheiks í Langtíburtustan á baðherbergi Alþingis.

Enginn skildi hvað íslensk yfirvöld voru að gera í bankamálum, en Imba sagði alltaf við þjóðina að það "væri ekki skollið á neitt óveður", og það í miðri hríðinni. Henni skjátlaðist, og hún er líka út á þekju í alþjóðlegum málum. Er hún yfirleitt hæf til að gegna starfi sínu? Nei , nei og aftur nei. Manneskja sem ekki er fær rum að sjá í gegnum lygamaskínu Hamas, ætti ekki að sitja á stóli utanríkisráðherra. Manneskja, sem ekki veit hvað hún hefur kastað peningum almennings í, ætti ekki að láta sig dreyma um að stýra fjármálum þjóðarinnar.

 

Hefði einhver skrifað svona um vini Vilhjálms, væri viðkomandi líklega að eiga við kærummál en það er annað mál.

 

Með kveðju friðarins

 

Miðbæjaríhaldið