ÉG ÁKÆRI !!!!!!! NO. 1

Mér er nú mjög svo tregt tungu að hræra.  Allt sem ég taldi að hafa bæri í hávegum er til háðs og spotts meðal þeirra sem telja sig ráða einu og öllu.

1.  Ég ákæri:- þá sem stjórnuðu og stjórna sumir ENN bönkum og lánastofnunum. Þessir menn réðust á gengi ísl krónunnar og þar með grunn til útreikningar Verðbóta á skuldir allra, bæði varfærinna og glannasamra.  Með því móti ,,bjuggu" þeir til falsaðan Efnahag og ofmátu ,,eignir" sínar gróflega.

 

2.  Ég ákæri:- þá sem þóttust ráða ungu fólki heilt í lántökum -en mikla sig nú af því sín á milli, að hafa AUÐVITAÐ EKKI tekið sín lán í erlendri mynt, þar sem ALTALAÐ væri, að 180 hópurinn ætlaði með gengisvísitöluna upp í í það minnsta 180 sem svo varð að algeru hruni sem ekki réðst neitt við.

 

3.  Ég ákæri:- þá aðila sem ekki brugðust við þeim teiknum, sem uppi voru lengi, heldur héldu áfram að lokka ungt fólk til lántöku BARA TIL AÐ FÁ BÓNUSA HJÁ SÍNUM HÚSBÆNDUM.

 

4.  Ég ákæri:-  þá þjóðníðinga, sem lánuðu nánast veðlaust til útlendinga, fúlgur fjár í erlendum gjaldmiðli, til félaga í tengslum við þá og stjórnendurna sjálfa.  Þetta hefur komið  ljóslega fram nú undanfarið bæði í blöðum og öðrum fjölmiðlum.

 5.  Ég ákæri:- yfirvöld sem settu kíkinn fyrir blinda augað þrátt fyrir viðvaranir og sífellt háværari stunur landsmanna undan okri banka og sjóða og himinhrópandi órétti sem skuldarar eru beittir í innheimtuþóknunum og aðförum. ALLT Í SKJÓLI ÞESS, AÐ EKKI MEGI GEFA ÚT LÁGMARKSTAXTA EÐA HÁMARK, SAKIR SAMKEPPNISSJÓNAMIÐA.!!!!!!!!!!!!!!!!!!!!!!!!!!!!!! 

 Halló skuldari fær engu og ég endurtek ENGU um það ráðið við hvaða hákarla/hrægamma-stofu er skipt og því er ekki um neina samkeppni að ræða.

 

6.  Ég ákæri:- þá sem hafa haft aðstæður til, að breyta Verðtryggingabullinu,--- sem ég og margir aðrir gegnir Sjálfstæðismenn, hafa farið á leit á öllum Landsfundum Flokks míns frá að Ólafslög voru sett en Flokksforustan látið kjurt liggja.

 

7.  Ég ákæri:- alla þá banka og lánastofnanir/fjármögnunarleigur sem birtu með sínum lánum ,,GREIÐSLUPLAN"  sem innihélt lágan verðbótastuðul langt undir því sem þeir síðar komu til leiðar með árásum á gjaldmiðil okkar og gengi.

8.  Ég ákæri:- alla þá sem voru í valdaaðstöðu og gerðu ekkert til að koma í veg fyrir eignaupptöku á grunni þessara laga.

Þetta lá fyrir fyrir mörgum árum, að það voru þeir sem BEINNA HAGSMUNI HÖFÐU AF  Verðtryggingu sem gátu breytt henni að vild.  YFIRSTANDANDI HAMFARIR SANNA ÞAÐ MÁL MITT.

Ég KREFST þess, að vegna sanngirnissjónamiða verði miðað við vísitölu til reiknings Verðbóta, frá þeim tíma sem SÝNT SÉ, AÐ BANKAR OG BRASKARAR FÓRU EKKI GEGN HAGSMUNUM SINNA VIÐSKIPTAVINA Í FORMI SKULDUNAUTA.

Ef minn ástsæli Flokkur, hverjum ég hef unið að bestu samvisku frá unga aldri, ekki gerir neitt í þessum efnum nú, verðum við að skoða af gaumgæfni, hverjum forystan vinnur, okkur venjulegum þjóðfélagsþegnum eða þá sérhagsmunaklíkum og féflettum.

Ef niðurstaðan er sú, að svo langt sé hann kominn frá sínum uppruna, að ekki verði til baka snúið, verður að skilja leiðir minnar fjölskyldu og hans,--eftir margar áratuga samleið

Miðbæjaríhaldið

Með böggum Hildar

Athugasemdir

[Baldur Fjölnisson, 18.2.2009 kl. 10:27]

Absalútt sammála.

[Haraldur Baldursson, 18.2.2009 kl. 12:02]

Skrúfa tilbaka til 1.jan.2008 og skipta þar um vísitöluviðmið frá lánskjar- og neysluvísitölu yfir í lanauvísitölu...það tryggir að hreyfingar í launum og lánum haldast í hendur. Einföl aðgerð og mismunurinn leggst á ríkið/bankana/lífeyrissjóðina (sem by-the-way eru í okkar eigu)...reyndar er þetta allt í okkar eigu :-)

[Friðrik Hansen Guðmundsson, 18.2.2009 kl. 12:20]

Góð grein og sammála

[P.Valdimar Guðjónsson, 18.2.2009 kl. 23:10]

Það er þessi tenging við neysluvísitölu sem er bullið að mínu mati. Og hún virðist aðeins virka upp.
En vandamálið er auðvitað verðbólgan.  

Nú ætti lækkun fasteignaverðs að snarlækka verðtryggðu bólgurnar.  Allavega sé tekið mið af umræðunni þegar fasteignir hækkuðu sem hraðast.  Þá var talað um að kippa þeim lið út því hækkun fasteignaverð ylli hækkandi vísitölu og þar með verðbólgu.    Fyrst þetta er enn inni hlýtur það líka að virka öfugt.