Það er naumast!!

Vissulega hefur þurft að rýra starfskjör starfsmanna Rvíkurborgar.

Þetta hefur verið gert áður og með enn beinskeyttari hætti hvað varðar starfshópa innan kerfisins en það var fyrir allnokkrum árum í tengslum við innleiðingu og staðfæringu kerfis sem nefnt er  Starfsmat.  Þar var beitt hinum breiðu spjótunum en þá heyrðist ekki múkk frá þessum félögum mínum ,starfsmönnum Rvíkurborgar, því þá var frekar gegnið í að tóna niður hina lægst launuðu og ,,ómenntuðu" þann hóp sem þeir sem nú kvarta, tala hvað skýrast niður til.

Vissulega höfum við misst umsamin launakjör.  Það liggur fyrir EN menn hafa skipað sér þannig á völl, að varnir eru helst við þá sem minnst hafa og geta ekki misst nokkra aura því þá verður brestur í framfærslu þeirra og fjörskyldna þeirra.

Það er afar sorglegt, að þeir sem meira bera úr býtum, krefjast að skattar verði hækkaðir á þá sem minna fá og virðast þannig vera gersamlega slétt sama hvort enn verði gengið í vasa fátækra til framfærslu hinna sem eru ,,menntaðir" og með sterkari samningsstöðu sakir eigin mikilvægis.

Mér er freklega misboðið, að lesa þetta.

Við höfum tekið á okkur lækkanir sem eru til SKOÐUNAR með þeim hætti, að menn fylla út akstursbók, líkt og gert er víða í einkageiranum en ,,fræðingarnir" okkar vilja að það gildi um pöpulinn en ekki sig.

Mér er fullkunnugt um, að þessar aðgerðir eru vegna þess,að borgarstjórnarflokkarnir hafa skipað sér til varnar störfum og þjónustu við borgarana og er það  afar gott og til fyrirmyndar hjá borgarfulltrúum allra flokka, að starfa saman að þeirri vinnu sem er fyrir hendi að verja störfin okkar, hag heimila borgarbúa og ber að þakka þá ákvörðun að fara ekki auðveldu leiðina og hækka bara álögur á alla borgarbúa.

Nóg er samt hjá núverandi ríkisstjórn í skatt-kækjum.

Svo vil ég enn þakka störf þeirra sviðstjóra og framkvæmdastjóra sviða, sem fengu tilögur frá sínu starfsfólki og VIRTU NAFNLEYND OG TRÚNAÐ við okkur um, að ekki kæmist í hámæli.

 

Miðbæjaríhaldið

STOLTUR starfsmaður Rvíkurborgar

 

Mótmæla kjaraskerðingu hjá Reykjavíkurborg