Prestar hinum heimi frá........

 

 

Prestar hinum heimi frá

hulda dóma segja

en skyldi þeim ekki bregða í brá

blessuðum nær þeir deyja?

 

 

Þetta vísukorn kom mér í hug, þá ég las þessa frétt.

Miklu finnst mér kaupgeta mín hafa skerst meir en þessi prósent.

Mér finnst sem banksterarnir hafi stolið af mér meir en helmingi af kaupgetu minni.

Hér ætti auðvitað að setja inn, hækkun á Vísitölu á lánum venjulegra fjölskyldna.

Auk en heldur, ætti að setja inn hringhækkanir á þjónustu, vörum og vísitölu.

Þetta virðist vera sem óður köttur sem bítur í skott sér og eykur bæði ferð og sárauka við hvern hringinn.

Ólög eru þessi Verðtryggingalög og ómenni þeir sem nýta sér augljósar veilur í þeim.

 

Miðbæjaríhaldið

11% kaupmáttarrýrnun frá 2007

Upp koma svik um síðir.

 

Upp koma svik um síðir. 

Svo hljómaði orðatiltæki sem þekkt var í minni bernsku og líklega langt fram eftir.  Þetta virðist hafa gleymst eða jafnvel Steingleymst hin síðari ár þenslu og bókhaldslegra fimleika og sjónhverfinga í rekstri banka og annarra fyrirtækja, sem virtust geta farið að vild um akur annarra og eigur þeirra allar, í skjóli Verðtryggingar og á köflum dómstóla.

 

Því er ekki nema von, að Steingrímur hafi steingleymt þessum loforðum sínum við Jóhönnu og aðra Krata, þegar hann belgdi sig út í héraði um andstöðu sína við inngöngu í ESB.

 Það er ætíð að koma betur og betur í ljós, að það er dagsatt sem pabbi minn heitinn sagði svo of,,Það er ekki orð að marka Kommúnista eða vinstri Krata, sannleikurinn er þeim gersamlega ókunnur".

Mikið sakna ég föður míns

Miðbæjaríhaldið

Tókust á um ESB fram á vorið 2009

Hoggið að heilum stoðum.

 

Nú gerist Bjarki klámhöggur mjög.  Ef menn eru að líta til fortíðar manna í Kerfinu, er Ragnar hvað hvítþvegnasti maður sem völ er á í fjármálakerfinu.  Virtur meðal þeirra sem varkárir eru og þekktur af varnaðargreinum sínum um fjármálakerfið.

Ragnar Önundarson ætti frekar að fara til enn æðri starfa í fjármálakerfinu okkar til heilla þjóð og framtíð okkar.

 

Að vísu verðum við líklega seint sammála um Verðtrygginguna en það er svosem önnur ella.

Bjarki ætti að beina höggum sínum að þeim stjórnarmönnum og stjórnendum sem stóðu að þeim ósköpum sem gerðust fyrir hrun.  ákvarðanir þeirra munu kosta lífeyriseigendur milljarða á milljarða ofan.  Helst lítur út fyrir, að menn þar á bæ hefðu varla kíkt á plöggin sem lágu til grundvallar fjármálagerningunum, sem þeir voru að samþykkja.

 

Miðbæjaríhaldið

Bjarki vill að Ragnar víki

Enginn bað þá orð til hneigja.

 

Hverjum dettur í hug, að treysta þessu liði??

 

Ekki mér, ef litið er til þess, hvernig blekkingarvefir hafa verið ofnir og gegnið hefur verið á höfuðstóla sem þjóðin á allt til að ganga erinda þessara menna.

 

Svo þarf að upplýsa hvert sjóðir Sölumiðstöðvar Hraðfrystihúsanna fóru, þvi ekki kannast núverandi forstjóri Iclandic grúppunnar nokkuð við að þeir séu lengur til.

 

Ekki þarf það svosem að vera því téður forstjóri vissi ekkert um laun sín, taldi þau vera um milljón ,,síðast þegar hann gáði" en launin eru greidd í Evrum, líkt og svo margt sem er miðað við þann gjaldmiðil af hálfu útvegsins.  Við útreikninga launa hans í ísl kr voru þau um 3 til 3, 3 millur.  Bara svona smá yfirsjón, sem hann ,,hafði ekkert gáð nýlega að".

Mibbó

algerlega búin að fá nóg af LÍJúgurunum.

LÍÚ mun vinna að útfærslu samningaleiðar

Meirihluti þjóðar á að ráða, ekki þeir sem hafa farið á svig við lög um fiskveiðar.

 

Hér er aðeins eitt sem ber að hyggja að.  Hver eru LÖGIN.  Hver er vilji löggjafans, samkvæmt lagaskýringum og texta í aðdraganda lagasetningarinnar.

 

Það liggur algerlega ljóst fyrir, hvað svo sem legátar LÍjúgarana segja.

Þeirra er EKKI að ráðstafa því sem þjóðarinnar er og þeirra er ekki að halda því sem teljast verður þjófagóss, því sumt af svonefndum Kvóta hefur verið ,,selt" annaðhvort milli óskyldra aðila eða skyldra. 

Algerlega liggur ljóst fyrir, að ekki má selja það sem EKKI ER EIGNA SELJENDA.

Þjófagóss ber að gera upptækt.

 

Þjóðin fylgist með og mun um síðir standa upp og ganga frá þessu máli ÁN aðildar LÍJúgarana og ,,aðila GREINARINNAR"

 

Miðbæjaríhaldið

Vilja semja um nýtingu aflaheimilda

Geðleysi ráðamanna eða vísvitandi þáttaka í lögbrotum.

 

Ég skil ekki geðleysi hins yfirlýsingaglaða fjármálaráðherra sem birtist í algerri undirgefni við aðgerðir banka sem eru að mestu og í raun í algerri umsjón ríkisins.

Það er ljóst, að aðaleigandinn hefur nú þegar lýst því yfir í réttarhaldi, að búið sé eignarlaust og geti ekkert greitt, hvorki af skuldum sínum né hugsanlegar kröfur þess kröfuhafa sem hóf málarekstur á hendur honum.

Þetta þýðir að segja félag gjaldþrota.  Ekkert er eftir annað en krefja hann tryggingargreiðslna svo að gjaldþrotameðferð geti hafist. ANNAÐ ER KLÁRLEGA LÖGBROT!!!!

Félagið má ekki greiða svo mikið sem eina krónu eftir svona yfirlýsingar, því að það er litið svo á, að með því sé verið að mismuna þeim kröfuhöfum, sem kunna að gefa sig fram á innkallstíma búsins.

Svo er þetta klárlega fegrun bókhalds um ,,eignir" í formi krafna.  Ef fyrirtæki veit, að krafa er líklega glötuð, er venjan að leggja fyrir í varúðar afskriftareikning en afskrifa við gjaldþrot aðila sem krafan er á.  Því er verið að falsa vísvitandi eignasafn bankans og því brjóta enn fleiri lög.

 

Þetta verður að stöðva strax ef almenningur á að byrja að treysta stjórnendum bankana.

 

Miðbæjaríhaldið

Brýtur gegn gjaldþrotalögum

Fjáraustur í gæluverkefni sem nýtast í atkvæðaveiðar í héraði

 

Við hjónin vorum einmitt að dásama þá staðreynd, að ekki hafi orðið alvarlegt slys á þeim hluta sem tvöfaldaður var á leiðinni til Keflavíkur, þegar við vorum að aka þennan spotta í gærkveldi.

Þegar komið var að þeim stað sem tvöföldum lýkur, segðumst við vona, að þessi töf, sem orðið hefur vegna fjárausturs í gæluverkefni á borð við Héðinsfjarðargöng sem eru algerlega óþörf eða í það minnsta afar langt langt á eftir í forgangsröðinni ef miðað er við örkum l og dauðaslys á ungu fólki á þeim leiðum sem eru fjölfarnari, svo sem austur að Selfossi, hvar menn hafa sett upp krossa fjöld til að minna á þessar algerlega óþörfu fórnir. 

Jarðgöng til að auðvelda för á sjúkrahús eða tengja saman landshluta líkt og gera þarf á Vestfjörðum er allt annað en snobbgöng í gegnum Vaðlaheiði, sem lokast afar sjaldan eða þá göngin um Héðinsfjörð, sem gefa afar lítið af sér annað en þægilegri samgöngur milli byggðakjarna sem vor settir í sama kjördæmið af einhverjum skrítnum ástæðum.

 

Nú er mál að linni og ættu allir íbúar á Suðurlandi, Vesturlandi, Reykjavíkursvæðinu og auðvitað Reykjanesi að bindast samtökum um, að kjósa ekki þá sem hleypa í gegn svoddan eyðslu og umrædd göng eru og kjósa eingöngu þá sem lofa að vegabætur verði eingöngu takt við notkun og tekjur af umferð.

 Mælirinn hlýtur að fara að verða fullur.

 

Miðbæjaríhaldið

 

 

Sex fluttir á slysadeild

Kontróleraður ,,leki"

Þessi ,,frétt" svona angar af ,,stýrðum leka".  Það er löngu þekkt í pólitík að gera svoleiðis.

Því setti ég þetta inn á Eyjuna til Egils sjóðshaldara en hann er auðvitað manna klókastur í að ,,leka" og þa´serstaklega ef sá ,,leki" kemur úr þeirri átt sem menn treysta að fari með rétt mál.

Samkvæmt vönduðustu skoðun sem tiltæk er um stöðu Landsvirkjunar, eru menn þar á bæ búnir að vinna mjög vel í samdrætti í rekstri, hagræðingu og straumlínulögun fyrirtækisins.

Um öll lán hefur verið samið og þessi ,,leki" sem nú er að vökva akur ósannindanna er stjórnaður leki. Staða Landsvirkjunar er afar sterk og sést á fjármunamyndun frá rekstri, að minni virkjanir hafa verið að skila ótrúlega betri niðurstöðum en áður var. Kemur þar til hagræðing og breyting á rekstrarfyrirkomulagi, breytingar sem gerðar voru í FRIÐI við starfsmenn og neytendur.

Það er ógeðfellt, að landsfeður fari í rógsherferð á þau fyrirtæki sem farið hafa í sátt og firði í verulegar hagræðingar og sýnt stórfelldan viðsnúning í fjármunamyndun frá rekstri.

Miðbæjaríhaldið

illur út í þá sem fara í vandaða starfsmenn og varkára.

Auðlindir lánardrottna

Uppskera dyggrar þjónustu við ---------------

 

Hér má segja að Guðbjartur uppskeri fyrir dygga þjónkun við viðhorf Jóhönnu og Össurar í Icesave málinu og alla þá vinnu sem hann lagði á sig til að reyna að koma þjóðinni undir greiðsluok útlendra þjösna.

Hvort þetta verði þjóðinni til góðs, veit ég ekki en gott er að losna við Möllerinn úr samgöngunum.

Miðbæjaríhaldið

Guðbjartur verði ráðherra

Henda eina ráðherranum með viti út.

 

Alveg er þetta typík vinnubrögð hjá ,,vinstra" liðinu.  Allir keppast við, að halda ,,sínum" manni inni, þó svo viðkomandi sé hrein móðgun við vitsmuni þjóðarinnar.  Læt hverjum lesenda eftir, að ákveða í sínum hug, við hverja er átt.

Dómsmálaráðherra hefur sýnt með störfum sínum, ða þar fer algerlega yfirveguð og varkár ráðamaður með völdin og kemur fram af festu en sanngirni.  Svona menn þurfum við í stjórn þegar illa árar og mikið þarf að gera til viðreisnar trausts og virðingar fyrir stofnunum ríkisins.

Við þurfum ekki mistæka pupulista, við höfum yfrið af þeim.

 

Fjórir á leið úr ríkisstjórn