Hættu að væla og snúðu þér að uppbyggjandi verkefnum Vilhjálmur

Það er sorglegt að hlusta á Vilhjálm Egilsson, mann sem eitt sinn var hægt að bera virðingu fyrir.
Nú er hann í hlutverki einhvers ,,Gosa“ eða annarskonar strengjabrúðu, sem stefnt er fram, jafnskjótt og eitthvað er hugað að eðlilegum breytingum á regluverki, sem er að mestu grunnforsendur hrunsins.Fyrst volaði hann, ásamt og með þáverandi formanns SA Þór Sigfússyni, um að afhenda ætti bankana ,,erlendum kröfuhöfum“ svo við gætum eignast ,,VINI“ í útlöndum.Nú rúmu ári síðan kemur í ljós, að menn vita ekki kvint um, hverjir eru á bak við kröfurnar og því einhverskonar eigendur, þessara gegnspilltu banka sem hygla ,,usual suspects“ en fara í hart við venjulega íslendinga sem tóku lán með upplognum kjörum stjórnenda bankana, kjör sem sömu stjórnendur réðust á til að skekkja og afflytja á allan máta.Nú vælir Vilhjálmur, vegna þess, að nú glittir í, að venjulegir útgerðakarlar geta nú farið og leigt kvóta af ríkinu, með eðlilegri verðmyndun en ekki okri LÍjúgarana.Þetta væri sem sagt í fyrsta sinn, síðan framsalið var samþykkt af þeim Jóhönnu þá félagsmálaráðherra og Steingrími, þáverandi Landbúnaðar og Samgöngu ráðherra, að venjulegir útgerðamenn svonefndra ,,punga“ geta komist hjá því, að greiða ,,Sjóðrík“ fyrir meðaflakvóta. (Kvóta sem útvega þarf til að geta komist hjá kærum vegna ,,kvótasvindls“.

Vonandi hættir Villi minn að væla eftir pöntun, það fer honum afar illa.

 Einnig væri ekki úr vegi, fyrir Ajálfstæðisflokkinn minn, blessaðann að rifja upp fyrir sér, hverjir voru andvígir setningu laga um Kvóta hér áður og fyrrmeir.

Kvótalögin hafa ekkert gott gert fyrir þjóðina, heldur miklu frekar illt, sem við blasir þegar skoðuð er staða fyrirtækja sem fyrrum báru hitann og þungann af sölu og kynningu afurða sjávarútvegsins.  Nú er SH orðið hokið af ofurskuldum og eftir sameiningu við fleiri fyrirtæki í útflutningi svo sem SÍF var hafist handa við að hola þau innan og skuldsetja svo illilega að ekki verður undir staðið.

 

Forstjóri þess fyrirtækis, sem nú er nefnt Íclandic er ekki betur að sér í útreikningi á gengi okkar góðu Krónu en að hann lét eftir sér hafa í viðtali í sjónvarpi, að hann hefði 30.000 Evrur, sem síðast þegar hann hefði reiknað laun sín væru liðlega 2 miljónir króna.  (Evra er með námundun svona um 200 ískr. Því er 30.000*200= 6.000.000,00 )  Ekki nema von, að svona kappar væli þegar hjálegurnar og leiguliðarnir gætu farið að kaupa eða leigja kvóta ÁN þess að þeir fái að reikna út verðið að eigin geðþótta.

 

Miðbæjaríhaldið

Skilur ekkert í forystumönnum Sjálfstæðisflokksins að vera að verja þessa menn sem svona hafa komið grundvallar atvinnugrein okkar.

Vilja að skötuselslög verði afnumin