Sigurður Kári stóð sig afar vel

 

Sigurður Kári stóð sig vel og hefur með þessum málflutningi gefið skýrt í skyn, að hann þekki hin eldri gildi Sjálfstæðisflokksins og er það gott.

 

Æsingalaust túlkaði hann skoðanir okkar sem höfum verið svona taldir í þjóðernislegri kantinum innan Flokksins.  Öfgalaust en með festu skýrði hann kosti þá sem við stæðum frammi fyrir.  Þeir eru afar skýrir; Ef þjóðin heldur ekki hagnaðinum af auðlindunum, komi ekki til greina, að afhenda nýtingarrétt af þeim í hendur annarra.

Afar skýrt hjá honum, að benda á hve einsleit staða ,,þróunarlanda" hefur verið, eftir að erlendir aðilar hafa náð tangarhaldi á þeirra auðlindum.  Fátækt og bjargarleysi hjá yfirgnæfandi hluta þeirra landa með þeim undantekningum, að hlaupatíkur þeirra og þý, hafa haft nokkuð fyrir sinn snúð og lifað í vellystingum á mútufé því sem á ´þá hefur verið borði af erlendum auðhringum og bröskurum.

 

Miðbæjaríhaldið

e.s.

Hvað ætli hefði verið gert við Angelu Merkel í Þýskalandi hefði henni dottið í hug,a ð hóta dómstólum nánast grímulaust eða ,,leiðbeint" þeim með tilmælum um niðurstöðu dóma??

Mikið erum við ofsalega vanþróaðir í kurteisi og siðmennt.

Telur söluna á HS Orku ólöglega

Athugasemdir

[Jón Ingi Cæsarsson, 27.7.2010 kl. 11:36]

Eldri gildi Sjálfstæðisflokksins.. góður þessu.. Sigurður Kári hefur verið skilgreindur einn helstu fylgisveinn skoðana Hannesar Hólmsteins um einkvæðingu og einkavinavæðingu. Hann var sannarlega helsti frjálshyggjugosinn á þinginu meðan hann var þar fyrir hrunið.

[Bjarni Kjartansson, 27.7.2010 kl. 12:05]

Jón Ingi.

Þetta hefur verið haft uppi af andstæðingum hans og einnig meðbiðlum hans til sætis á lista Flokksins.

Hinnsvegar var hann meira hallur undir frjálshyggju eins og hún birtist á Háskólaárum hans.

Síðan hefur hann þroskast mjög.

Þekki vel til stráksins og veit, að hann er heill í þessum skoðunum sínum.