Fyrirsjáanleg viðbrögð bloggara við svari Árna.

Hef  verið að lesa hvað bloggarar segja um svar Árna. 

Allt þar eftir fyrirfram vituðum línum, stóryrði og háheilagir menn Jesúsa sig í bak og fyrir, konur grípa andann á lofti og setja upp svip hinna sannkristnu og siðprúðu.

 

Ég las svar Árna með athygli og verð að segja hverja sögu sem er...................  Ég er giska sammála Árna.

Spurningar Umba voru nú nánast sniðnar að fyrri upphrópunum sanntrúaðra í fjölmiðlum. 

Það höfðu verið afar sterkar álitsgreinar frá ,,virtum" ,,lögspekingum" og jafnvel Emerítus.

Hvernig í dauðanum halda menn, að svoleiðis hafi ekki áhif á spurningar Umba???

 

Ég er nefnilega mannlegur og breyskur vel.  Ég geri mér fullkomlega grein fyrir því, að ef ég hefði verið í sporum Umba, hefði ég að líkum einnig tekið mark (hugsanlega óafvitandi) á umræðum og skoðunum, sem settar höfðu verið fram af þeim sem eru ,,inn og virtir" í lögskýringunum.

Það er sfar auðvelt, að afgreiða einhvern, sem hrokafullan ef viðkomandi er ekki sammála manni sjálfum.  Það þekki ég vel, bæði af mínum þönkum og annarra um mig og minna um aðra.

Það er alveg gersamlega mannlegt og ekkert að skammast sín fyrir.

Ég er ætíð að rembast við Höfuðsyndirnar Sjö með misgóðum árangri en það er eins og rekkar vita, lífsstarf hverjum manni.  Samt klikka ég sífellt og fell með misháum hvellum.

 

kæru bloggarar, ekki velja Árna mínum svona stór orð og mikla dóma, það segir frekar um stöðu ykkar í baráttunni við Höfuðsyndirnar en Stöðu Árna við SÖMU syndir.

 

Miðbæjaríhaldið

breyskur maður og bogin

Ráðherra efast um hlutleysi umboðsmanns

Athugasemdir

[Jón Ingi Cæsarsson, 27.3.2008 kl. 12:28]

Nú dingla íhaldsþjónar rófunni og reyna að verja dauðan ráðherra og málstað

[Mási (IP-tala skráð) 27.3.2008 kl. 12:52]

Mér skilst að hroki sé ekki stærsta syndin í þessu máli.

[Sigurður Sigurðarson, 27.3.2008 kl. 13:01]

Það er kominn tími á innri endurskoðun í flokknum, því miðað við getu hanns að taka á málum Árna J. þá gera þeir væntanlega lítið með Árna M.  Ég vona bara að þetta sé eitthvað sem kjósendur muni eftir og refsi floknum í næstu kosningum.  Þessi flokkur er að verða eins og einkafyrirtæki Davíðs og flokksmenn fylgja í blindni, gagnrýnislaust. 

[Bjarni Kjartansson, 27.3.2008 kl. 14:43]

Rófan mín er alveg kjurr.

Hef fengið annað í sarpinn en að ég strjúki mínum félögum etthvað mýkra en öðrum.

Hrafnkell minn. eins og fram kemur í fréttum hér á mbl.is, er það ekki nein ávísun á vanlíðan, að vera heiladauður, sjá bara þann sem var úrskurðaður af þar til bærum aðilium, --vonandi betur hæfum en þér um minn.

Miðbæjaríhaldið

hvurgi banginn

[Hjörtur J. Guðmundsson, 27.3.2008 kl. 15:29]

Hrafnkell er að mínu viti gott dæmi um þann sem heldur sig hafa höndlað hinn eina sanna sannleika og telur sig þess vegna þess umkominn að setja sig á háan hest gagnvart þeim sem voga sér að hafa aðra skoðun en hann sjálfur. Mikil lýðræðisást þar á ferð.

[Hjörtur J. Guðmundsson, 27.3.2008 kl. 15:30]

Jón Ingi ætti annars kannski frekar að hugsa um ráðningar Össurar Skarphéðinssonar um síðustu áramót og hvatvísi hans á netinu.

[Hjörtur J. Guðmundsson, 27.3.2008 kl. 16:04]

Hrafnkell minn, samkvæmt reglum Blog.is bera eigendur bloggsíða hér ábyrgð á öllu því efni sem birtist á bloggsíðum þeirra, sbr.:

"Með því að staðfesta þessa skilmála er notandi að staðfesta að hann beri ábyrgð á öllum skrifum, myndbirtingum, myndbandabirtingum og öðru efni sem birtist á síðu hans. Óheimilt er að birta á síðum efni sem særir blygðunarsemi manna. Morgunblaðið ber á engan hátt ábyrgð á því sem notandi eða þeir sem heimsækja síðu notanda setja á síðu notanda."

Það má vel vera að þú sért reiðubúinn að bera ábyrgð á öllu því efni sem aðrir setja á síðuna þína en ég er það ekki í tilfelli minnar síðu. Ég er ekki reiðubúinn að líða skítkast eða eitthvað sem brýtur í bága við reglur Blog.is. Ef menn hins vegar eru málefnalegir og geta sýnt þann þroska að sleppa slíku þá er mér slétt sama hvaða skoðun þeir hafa eins og athugasemdir á blogginu mínu bera ljóst vitni um.

[Hjörtur J. Guðmundsson, 27.3.2008 kl. 16:20]

Hrafnkell:
Annars er eftirfarandi texti á bloggsíðunni þinni athyglisverður í ljósi orða þinna hér að ofan: "Frábið mér öll skítakomment frá nafnlausu hyski og hika ekki við að eyða þeim og banna viðkomandi." Verst að þú skulir ekki fara eftir þessu sjálfur. Sennilega eru sumir jafnari en aðrir...

[Sigurður Þórðarson, 27.3.2008 kl. 18:01]

Sæll Bjarni, ég þekki Þorstein af góðu einu og óska honum alls góðs.

Hitt er allt annað mál að umboðsmaður alþingis er ekki að gera neitt annað en að sinna lögboðinni skyldu sinni að spyrja þessara spurninga í krafti embættis síns en ekki sem prívat persóna.

Árni setti niður við að sýna embættinu fingurinn. Ég er hissa á að þú skulir ekki átta þig á þessu.  Árni getur sagt hvað sem hann vill við persónuna sem gegnir starfinu úti á götu eða ef þeir hittast á skemmtistað, jafnvel í blaðagrein.  Umboðsmaður alþingis  er opinber eftirlitsstofnum löggjafavaldsins með framkvæmdavaldinu.  Þetta atvik sýnir eins og ég sagði á bloggsíðu minni að hann ætlar ekki að sækja umboð til kjósenda aftur.  

[Hjörtur J. Guðmundsson, 27.3.2008 kl. 22:03]

Hrafnkell minn,

Ef þú veist að ég hafi eytt athugasemdum á bloggsíðunni minni vegna þess að þær hafi ekki farið saman við mínar "kenningar" þá veistu meira en ég. Ég hef aðeins gert slíkt í neyðartilfellum og er satt að segja mjög illa við að þurfa að gera slíkt. Því hefur það gerzt sárasjalda og aðeins vegna skítkasts og persónulegra árása eins og þú nefnir og það ekki bara í minn garð heldur annarra líka eins og t.d. ein sem var svo svæsin í garð Svandísar Svavarsdóttur að ég taldi hana ekki birtingarhæfa.

Persónulega geri ég ekki greinarmun á því hvort persónulegar árásir og skítkast er gert undir nafni eður ei. Gæðin aukast ekki mikið við það þó menn komi fram undir nafni.

Þess utan er ég meira en til í að horfa á mál frá sem flestum hliðum en ef einhverjir ætla að sannfæra mig um eitthvað verða þeir líka að gera það. Þótt þér kunni ekki að vera það að skapi þá er mitt tjáningarfrelsi ekki minna en þitt.

Að lokum vil ég bara þakka þér fyrir þessa athugasemd þína sem sýnir væntanlega þinn innri mann. Það er ágætt þegar menn sýna hvernig þeir eru inn við beinið.

[haraldurhar, 27.3.2008 kl. 23:19]

     Bjarni það hefur verið haft fyrir satt lengi að þið Sjálfstæðismenn, að þó að væri hundur í framboði á listanum hjá ykkur þá kysuð þið hann, fremur en kjósa aðra lista.

   Það að vera verja gerðir Árna Matt, eins og hann hefur hagað sér á undanförnum misserum, finnst mér samflokksmenn vera setja sig niður og gerast fremur ódýrir.

   Árni hefði fyrir löngu vera búinn að segja af sér, og sýnir það linkindina í Geir að vera ekki búinn að láta hann taka pokann sinn. Bara næst síðasta afrekið hanns salan á Flóabátum Baldri nægir ein og sér til að láta hann fara, svo ekki sé mynnst á afrekinn hans við embættisveitinguna, söluna á Vellinum, kostingaloforðinn hanns f. síðustu kosningar, þar sem hann reið um héruð Suðurland með silfursjóð.

   Hjörtur þú þarf að fara fá þér ný gleraugu,  það getur ekki verið gott hlutskipi ungs manns að vera verja sí og æ, mistök og afglöp manna, tel það reyndar heldur ekki hollt fyrir flokkinn hann hlítur fyrr en síðar að fara í endurskoðunn á þessum ósið.

  Bjarni það hefur til margra ára undað mig að þú sem sannur íhaldsmaður hafir getað stutt Framsóknarflokkinn sem gengur undir nafninu Sjálfstæðisflokkur.

[Auðun Gíslason, 28.3.2008 kl. 00:24]

Þú ættir kannski, Bjarni minn, að kenna þessum ráðherrum flokksins þíns, og þingmönnum einnig, mannasiði!  Þér er betur til þess treystandi en mörgum öðrum í Flokknum!  Hvernig er það ætlar enginn, innvígður og innmúraður, að bjóða sig fram gegn sitjandi forseta?  Það var skoðun þingmanns Flokksins, Ástu Möller, að núverandi forseti vor væri ógnun við lýðræðið.  Ætli það séu margir sama sinnis í flokknum, eða kunna þeir betri mannasiði en frú Ásta?

[Auðun Gíslason, 28.3.2008 kl. 00:28]

Áhugaverð umræða þetta um ábyrgð bloggara á athugasemdum.  Í athugasemdum hjá mér skrifaði maður, sem heldur því fram að Árni Matt. sé fífl!  Það fær að standa þar uns annað sannast!

[Auðun Gíslason, 28.3.2008 kl. 00:30]

haraldurhar!  Gallinn við Sjálfstæðisflokkinn er að þar eru Framsóknarmenn í meirihluta!