Húsablús í Miðbæ.

Húsin hérna eru sum að biðja um, að fá að hætta að vera til.  Þau voru í raun aldrei, voru byggð af vanefnum og mesta þægð væri af því, fyrir minningu þeirra sem þau byggðu og í raun húsin sjálf, að fá að hætta tilveru, sem var í raun aldrei annað en til bráðabyrgða. 

Kofarnir margir eru skelfilega ljótir og illa gerðir í upphafi.  Ekki nein eftirsjá í þeim, frekar bruðl að sólunda plássi undir þau við götur borgarinnar.

Aftur á móti eru hús allmörg, sem eru til prýði og yndisauka þar sem þau standa.  Sumum mætti gera betur til, með nýrri klæðningu eða pensli.  En grunnurinn er góður og því eftir einhverju að slægjast.  Milli þessara sjónamiða verður að þora að ganga og fella ljótu trén, svo hin megi njóta sín. 

Víða er svo, að frekar lagleg Katalóg-hús eru uppvið steinsteypt hús og fá ekki notið sín, þar sem allstaðar eru þau borin ofurliði af ,,kumböldunum" í kringum þau.  Þessi hús ætti að færa á rýmri staði, hvar hús í þeirra stíl eru.  Við kumbaldana ætti að reisa hús við hæfi og tengja saman í samræmi.

Ekkert af ofanrituðu fæst gert, á meðan ekki er tekið á með hörku, skemmdarverkum sprautubrúsamanna.  Þá á verður að stemma  að ósi.  Hér duga ekki nein vettlingatök né heldur væl um að þetta fólk þurfi að tjá sig með úðabrúsum.  Það er ekki hlutverk borgarinnar, að verða þeim út um ,,kanvas" það verða þeir sjálfir að gera.

Það er ekkert annað en hjákátlegt, að hlusta á Birnu Þórðar lýsa ábyrgð á ,,Slömmlordana" sem að hennar sögn eiga alla sök af þessu ástandi í Borginni.  Hún man kannske ekki umræðu sem hún sjálf fór fyrir á sínum tíma um, að ,,götulistamenn" þurfi að fá einn og einn vegg fyrir sig.  Reynslan varð sú, að ,,graffið" fór út um alla borgina útfrá veggjunum góðu.

Svo mætti líka tala um þá aðferð, að kaupa eina og eina íbúð fyrir undirmálsfólk um allan Miðbæinn og úthluta á vegum Féló.  Það hefur gefist afar illa og komið illu til leiðar bæði innan húsfélagana og frá næstu húsum í nágrenninu.

Ef menn meina eitthvað með því að vilja taka til í Miðborginni  verður að setja reglur um vínveitingar og tímalengd þjónustu.  Það gera allar þjóðir í Evrópu og BNA.  Það væri gaman að fá að vita, hvernig reglurnar eru í Höfuðborgum Evrópu og BNA um þjónustutíma búlla í næsta nágrenni Þinga og opinberra stjórnsýslumiðstöðva eru.

 

Hér duga ekki lengur yfirborðslegar yfirlýsingar um, að hreinsa verði og breyta hugsunarhætti.  Það dugir bara ekki.

 

Miðbæjaríhaldið

finnst ekki góð lykt af þvagi eða brotnum bjórflöskum á víðavangi.