Þetta er auðvitað sanngjarnt.

Sko, menn verða að gera sér grein fyrir því, að þessir guttar eru nú ekkert smá flottir.

Þeir hafa sjálfir sagt, ítrekað, - að það sé svona sem kaupin gerist á eyrinni í alþjóðaumhverfi banka.  Ekki geta einhverjir verkallýðsrekendur ffarið að efast um orð þessara manna?

Mér er til efs, að sjö verkakonum tækist á langri ævi sinni, að klúðra svo rækilega fjárhag ríkisins, heimilana, hafnana, landbúnaðar-útvegs og þessum eftirsóttu(að eigin sögn) forstjórum hefur tekist á undra stuttum tíma.

Ævilangar skúringar og tuskukreistingar ná því ekki, svo mikið er víst.

 

Annars hef ég ekki séð þessar biðraðir af aðilum sem vilja ráða Einarssyni, Weldinga eða aðra ofurgutta okkar til sín héðan úr bönkunum okkar.

 

Svo er auðvitað algerlega púkó öfund, að tíma ekki að borga þessum mönnum aukabónusa fyrir að koma Alþingi til að gera eitthvað með lánstraust okkar og NOTA það.  Ekki vinna péningarnir fyrir okkur bara sem tölur á matsblaði Moodys.

 

Auðvitað á að skuldsetja alla íbúa landsins og svo er algert skilyrði, að Borgaryfirvöld reddi þeim lóðum á klink, fyrir þotur sínar sem eru á hrakhólum í Vatnsmýrinni.

ÞEssar þotur þurfa að vera til taks, þegar þeir þurfa að skreppa í burtu, kanske óforvarendis, vegna breytinga á Mörkuðum og að einhverjir helv. lánadrotnar eða ,,fjárfestar" eru á leiðinni meðJöklabréfin og vilji fá þau greidd út í $$$$$$.

 

Nei þessir menn eru á of LÁGUM LAUNUM EF EITTHVAÐ ER.

Slíkt er framlag þeirra til þjóðarbúskaparins og framlegð þeirra inn í okkar kerfi. 

 

Skattarnir sem þeir greiða eru að vísu ekkert í líkingu við það sem þessar svitalyktandi púlkerlingar greiða á sínum æviskeiðum enda ekki til þess ætlast og búið að leggja af allar svoleiðis leiðindagreiðslur, svo sem skatt af gróða á hlutabréfabraski.

Miðbæjaríhaldið

vill gera vel við landsins bestu syni

Sjöfaldar ævitekjur á einu ári