Ekki einn grænan Túskilding til þessara gutta.

Eftir að haf skoðað hug minn nokkuð , vil ég segja eitt.

Ef stjórnvöld ætla að skeina þessa glæfra-gutta, sem stungið hafa af úr landi með stórar fúlgur fjár í erlendum gjaldeyri, flytjast úr lendi með fyrirtækin sem sum hver voru keypt fyrir lánsfé sem síðar var komið í ábyrgðir félagaeins og FL grúppunnar heitnar, geta þer reitt sig á, að ég mun aldrei og endurtek aldrei, kjósa þetta lið sem mína ,,kjörnu fulltrúa".

Komið hefur í ljós, samkvæmt myndbandi sem nú gengur um netheima, að gerningar umhverfis FL voru svona Enron skotnir.

Svo hefur nú komið berlega í ljós, að það eru BANKARNIR OG FJÁRMÁLAFYRIRTÆKIN sem hafa hvað harðast gengið fram í því að skuldsetja Krónuna og flutt úr landi, sem lán til ,,útrásarvíkingana" sem setja þá á kontó sín úti á Camen Islands og víðar, hvar þeir telja yfirvöld ekki koma höndum á upplýsingar.

 

Sama liðið talaði í fjölmiðlum og notuðu þa´(oft í eigu þeirra sjálfra) til að sverta þýsk yfirvöld í tengslum við rannsóknina sem fram fer á eigum þjóðverja og fyrirtækja þeirra í erlendum sjóðum, í skattaskjóli. 

 Nú hefur auðvitað komið í ljós, að Afhauser, sem átti að vera ,,Kjölfestufjárfestir" og ,,traustur erlendur banki"  hvers yfirmenn voru í sérlegu vinfengi við þessa hér:

 

 

 

Ef yfirvöld ætla sér, að fá einhvern snefil af velvilja og trausti, verða þeir að yfirtaka og gera upptækar til Ríkissjóðs, eigur þessara banka ÁÐUR en þeir aðstoða þá eða leyfa þeim að senda reikninginn til brauðstritara þessa lands. 

Afli og veiðarfæri, jafnvel skip voru gerð upptæk gerð til Ríkissjóðs ef menn voru nappaðir við ólöglegar veiðar.

 

Ég tel svona lagað vera einmitt það, ólöglegar veiðar í gruggugu vatni, hvar bæði voru brúkaðir maðkar, og þríkrækjur.

Venjulegt fólk, sem greitt hefur sitt og ekki farið offari, á ekki að þurfa að greiða fyrir gripdeildir sem lýst er á myndbandinu, hvert ekki hefur enn birst á Mbl.is

 

Miðbæjaríhaldið

Gjör rétt þol ei órétt.

Biður fólk að skoða hverjir, af ,,kjörnum fulltrúum"  fóru helst fyrir vörnum fyrir ýmsa glæframenn, hverjum nú þykir sjálfsagt, að við greiðum bolatollinn fyrir þá.

Íbúðalánasjóður endurfjármagnar húsnæðislán fjármálafyrirtækja

Athugasemdir

[Æfur (IP-tala skráð) 18.7.2008 kl. 10:51]

Settu endilega inn hlekk á þetta myndband ef þú hefur hann.  Ég er mjög forvitinn að sjá það.

Þar að auki tek ég undir hvert orð sem þú segir í þessari færslu.

[Bjarni Kjartansson, 18.7.2008 kl. 11:06]

Farðu inn á Eyjan.is og þar inn á myndbönd eða bara Silfur Egils, égkann ekki að setja inn hlekki.

Sorry

Miðbæjaríhaldið

[Sigurður Þórðarson, 18.7.2008 kl. 11:29]

Ég hlustaði á Guðmund Ólafsson rekja bankasölurnar upp um daginn. Það var einkar fróðlegt því fyrir utan að kaupendurnir voru handvaldir voru ýmis skilyrði sem þurfti að uppfylla t.d. í Búnaðarbankasölunni. Þar þurfti og "kaupendurnir"traustan erlendan bakhjarl" og "kaupendurnir"  (réttara hefði veriðað segja kaupréttarhafarnir) þurftu að eiga bréfin í 18 mánuði. 3 vikum eftir "kaupin" gaf Valgerður Sverrisdóttir góðfúslega undanþágu frá þessum skilyrðum.  Þá gat fyrirtæki sem fjölskylda samráherra hennar átti drjúgan hlut í  skipt á  bréfum sem ekkert var búið að borga fyrir en átti að kosta milljarð sem hafði verið fenginn að láni í Landsbankanum skipt á þeim og bréfum fyrir 7 milljarða í VÍS sem áður hafði verið skilin frá Landsbankanum.

 Bjarni þegar þú setur inn myndband gerir þú einhvern texta bláan með bendlinum og slærð á óbrotnu keðjuna til vinstri við púkann.  (leiðréttingaforritið)

[Sævar Helgason, 18.7.2008 kl. 13:33]

Hvað gerist með haustinu þegar stórgjaldþrotahrinan fer af stað ?   Þá falla ekki bara þeir sem gerst hafa djarfir til lántöku- saklausir verða dregnir með  í fallinu.

Menn spyrja : er búið að koma gríðarlegum fjármunum úr landi , bæði með gjöf sjávarauðlindarinnar , bankanna og  þeirrar óheyrilegu skuldsetningu þjóðarinnar hjá erlendum fjármálaaðilum.

Þegar tugþúsundir hafa verið gerðir að öreigum- hverning bregst fólkið við.

Frakkar gerðu árás á Bastilluna á sínum tíma og framhaldið þekkjum við --hvað gerist hér ???? 

[Haraldur Haraldsson, 18.7.2008 kl. 14:29]

Bjarni er þessu algjörlega sammála/Kveðja Halli gamli

[Bjarni Kjartansson, 18.7.2008 kl. 14:56]

Sævar ég sá innlegg þitt um hvað nærri gerðist með auðlindir þjóðarinnar í sambandi við Rei málið.  Þar er ég afar sammála og vil óska þess, að þeir sem verða á næsta Landsfundi Sjálfstæðisflokksins standi dyggan vörð um auðlindir okkar og yfirráð ríkisins og þannig þjóðarinnar --hf nefnt það forræðisrétt þjóðarinnar yfir öllum auðlindum,--það er þjóðarnauðsyn, að svoleiðis löggjöf undantekningalaus, -komist í lagasafn okkar oghelst í Stjórnarskrá, því ef þeim tekst að koma okkur inn í ESB eru þessar auðlindir, bara verslunarvara á MARKAÐI (við vitum núna hvað það þýðir) og það SAMEIGINLEGUM.

Miðbæja´rihaldið, þakkar þarfa ábendingu um aulðindirnar og Rei/GGE málið, þegar Power Point kynnign fór fram í Bretlandi um ,,eign" FL grúppara á auðlindum í jörðu og að hluta ónýttum borsvæðum.

[Sævar Helgason, 19.7.2008 kl. 21:25]

Gott að lesa þetta Bjarni.   Það er hart sótt að fjöreggjunum okkar - öllum auðlindunum.

Erum við nokkuð vissir um að sjávarauðlindin sé ekki þegar komin undir erlend yfirráð ?

Allir fjármagnsflutningar frá landinu eru frjálsir.  Nú er í gangi á bloggkerfinu  myndband þar sem rakinn er ferill FL-group í stuttu máli - frá upphafi til gjaldþrots .  Hluthafar hér innanlands - smáfólkið er mergsogið  og stjórnarmennirnir eru með allt sitt erlendis - þetta virðist hafa verið ein stór svikamylla.

Þetta er ekki það Ísland sem ég vil lifa í . Auðmenn virðast nota landið og vinnustrit fólksins til þess eins að mergsjúga---Það verður að breyta þessu Bjarni ...Til þess þurfum við alvöru stjórnmálmenn- þeir verða ekki endilega til í prófkjörum...