Af heilindum og hollustu.

 

Nú er upplýsandi um Höfuðsyndirnar Sjö, að fylgjast með litlu sálunum í Samfó.

 

Sumir eru að hefna ófara sinna og Ráðherra-stóla-leysi, þrátt fyrir að hafa verið kosin vara-formaður.

Sumir telja sinn tíma kominn að nýju og telja að nú sé einmitt tækifærið til að stinga þá sem eyðilögðu fyrir sér prófkjörið, svo telur Mörður, sem bar svo sem forskeyti í MR á nafni sínu.

Blindir menn sjá, eins og Helgi Hjörvar sagði svo oft í kosningabaráttu fyrir ekki alls löngu, að suma fýsir að láta til sín taka meir en kjósendur langar að fá viðkomandi.

 

Nú er Rauðka litla á Ísafirði, fyrrum sjónvarpskona með meiru, að ýfa fjaðrirnar og telur sig gersamlega ómissandi við endurbygginguna líkt og hún taldi einboðið í sínu flokkaflakki öllu hér áður og fyrrmeyr.

Svo virðist ljóst, að ekki sé til setu boðið þar sem Nýi Dagur hyggur á að halda LANGAR OG LANGAR ræður yfir okkur ef tilvitnunin hér að neðan verður að veruleika.

 Af AMX.

Smáfuglarnir, sem flögra um meðal samfylkingarfólks, hvísla því að hafinn sé undirbúningur að því að Dagur B. Eggertsson, oddviti Samfylkingar í borgarstjórn, taki við leiðtogahlutverkinu af Ingibjörgu Sólrúnu Gísladóttur. Í flokknum er almennt talið að Ingibjörg Sólrún muni ekki snúa aftur á leiksvið stjórnmálanna. Hún hefur dvalið að undanförnu á sjúkrahúsi í Svíþjóð en er væntanleg til landsins í lok vikunnar en leggst þá inn á Landsspítala fyrir frekari rannsókna.

Dagur B. Eggertsson, hefur verið skjólstæðingur Ingibjargar Sólrúnar, frá því að hann gekk til liðs við Samfylkinguna og margir litið á hann sem eðlilegan arftaka, þó fæstir hafa átt von á að aðdragarinn yrði jafn stuttur og ljóst virðist. En Dagur er langt frá því að vera óumdeildur innan Samfylkingarinnar og innan þingflokks munu margir reyna að standa í vegi fyrir framgangi hans.

Ágúst Ólafur Ágústsson, varaformaður Samfylkingarinnar, er einn þeirra sem óttast um sinn hag ef Dagur B. Eggertsson og liðsmenn hans ná undirtökunum í flokknum. Össur Skarphéðinsson hefur lengi verið þyrnir í augum Dags og hans fólks og svipað er að segja um Björgvin G. Sigurðsson. Smáfuglarnir hvísla því einnig að Lúðvík Bergvinsson, þingflokksformaður, hafi hugleitt að sækjast eftir leiðtogahlutverkinu þegar og ef Ingibjörg Sólrún ákveður að hverfa úr stjórnmálum.

Smáfuglarnir eru ekki sammála um hvort undirbúningur valdatökunnar sé með vilja Ingibjargar Sólrúnar eða ekki. Hitt er að Skúli Helgason framkvæmdastjóri flokksins hefur leynt og ljóst unnið að verkefninu ásamt öðrum stuðningsmönnum Dags B. Eggertssonar. Skúli mun hafa móðgað Össur Skarphéðinsson verulega þegar gengið var framhjá honum við undirbúning á fundaherferð Samfylkingarinnar um landið. Þá var látið eins og iðnaðarráðherra væri ekki til, eins og smáfuglarnir hvísluðu um fyrir stuttu.

Ungir jafnaðarmenn með Önnu Pálu Sverrisdóttur í fararbroddi, eru sagðir í undirbúningsnefnd, sem og gamlir samherjar Dags úr háskólapólitíkinni í Röskvu. Innan þingflokksins er Steinunn Valdís Óskarsdóttir með hörðustu stuðningsmanna.

 

Sumsé, það er upplýsandi að horfa á litlu sálirnar í Samfó fara að þjóna lund sinni þegar Ingibjörg er í baráttu fyrir heilsu sinni og kvað nokkuð hart að henni vegið í þeim efnum .

 

SAMHERJAR hennar í Samfó eru ekkert sérstaklega Samfó núna.

 

VEgið er að henni lymskulega.

Mibbó

Óskar Ingibjörgu góðs bata og að smámenni fái makleg málagjöld.