Bjarni Kjartansson

24.3.2009 | 10:29

Hinn alvitri álitsgjafi í peningamálum.!!!!!!!

Ég var að skoða DV vefinn og sá þar þetta:

,,Ég hef aldrei á 25 ára starfsferli mínum séð jafn lélegt og illa skrifað plagg,“ sagði Sigurður Einarsson, fyrrverandi stjórnarformaður Kaupþings, í samtali við DV eftir að hafa rennt augum yfir trúnaðarskjal Seðlabankans. Í skjalinu er dregin upp afar dökk mynd af stöðu íslensku bankanna fyrir liðlega ári. Svartsýni málsmetandi bankamanna og sérfræðinga virðist hafa komið seðlabankamönnum að einhverju leyti á óvart.

Ómögulegt er að sannreyna efni trúnaðarskjalsins þar sem engin nöfn einstaklinga eða banka koma þar fyrir. Það er dagsett 12. febrúar á síðasta ári og því á ábyrgð Davíðs Oddssonar, formanns bankastjórnar Seðlabankans, og víst þykir að um einskonar minnisblað Davíðs, sem fór að minnsta kosti í hendur forsætisráðherra og fjármálaráðherra, sé að ræða.

„Það er ljóst að íslensku bankarnir, Kaupþing og Glitnir alveg sérstaklega, hafa stefnt sér og það sem verra er, íslensku fjármálalífi, í mikla hættu, jafnvel í hreinar ógöngur, með ábyrgðarlausri framgöngu á undanförnum árum.“

Þannig er tekið til orða í trúnaðarskjali Seðlabankans frá 12. febrúar í fyrra, sem nú hefur verið birt opinberlega að frumkvæði RÚV.

Í skjalinu segir frá fundum seðlabankamanna með sérfræðingum í bankaheiminum og embættismönnum í London snemma árs í fyrra. Tekið er fram að viðmælendur seðlabankamanna hafi verið gjörkunnugir viðskiptum við Ísland, verið vel undirbúnir og iðulega haft gögn fram að færa. Meðal viðmælenda voru háttsettir menn frá matsfyrirtækinu Moody's og næstæðsti maður Citigroup í heiminum.

„Ég hef aldrei á 25 ára starfsferli mínum séð jafn lélegt og illa skrifað plagg,“ sagði Sigurður Einarsson, fyrrverandi stjórnarformaður Kaupþings, í samtali við DV eftir að hafa rennt augum yfir trúnaðarskjal Seðlabankans. Hann bendir á að erfitt sé að sannreyna það sem fram komi í skjalinu þar sem engin nöfn viðmælenda eða banka komi fram, ekki einu sinni þeirra seðlabankamanna sem sóttu fundina í London. Sigurður segir hróplegt ósamræmi milli stöðunnar eins og henni sé lýst í minnisblaðinu og þess sem síðar gerðist. Hann bendir á að engir tapi innistæðum sínum í Kaupþingi, staða peningasjóða og lífeyrissjóða hafi verið með ágætum í bankanum og ekki horfur á að króna falli á íslenska skattgreiðendur vegna innistæðureikninga í Kaupþingi. "

Nú er svo, að mér er ekki vant að vera mjög flökurgjarnt EN þetta kom róti á vömbina.

Hvernig í ósköpunum GETUR það verið, að sumir leikendurnir í Hrunadansinum og því partíi sem á undan gekk, séu nú orðnir að aðal álitsgjöfum og spekúlöntum endurreisnarinnar, líkt og yfirmenn greiningadeilda og þá sérlega Landsans heitins??

Nú er vitnað sem aldrei fyrr í Sigurð Einars.

Svo verður Finnur auðvitað ofarlega á blaði með Óla í Samskipum og er þá ,,Björnebandet" nánast fullskipað.

Manni flökrar við aðgerðaleysi og umkomuleysi stjórnvalda, bæði núverandi og fyrrverandi ríkisstjórnar.

Gera ekkert þegar Bretar setja á okkur hryðjuverkalög, segja ekkert þegar IMF neitar, að áeggjan og vegna þrýstings frá ,,VINAÞJÓÐUM Í NATO" að afgreiða lán eða umsókn okkar fyrr en mál alótengt ríkissjóði væri afgreitt, MEÐ SÉRSTÖKUM OG FYRIRSKRIFUÐUM HÆTTI!!

Nú eru menn svo aumir, að þeir eru að hugsa sig um AÐ GEFA EINHVERJUM SEM TITLA SIG ,,KRÖFUHAFA" Kaupþing með tilheyrandi veðum í Sjávarútvegi og landbúnaði!!!!!!!!!!!!!!!!

Það eru FÖÐURLANDSSVIK OG EKKERT ANNAÐ!!

Lyddur eru svona menn sem vilja laus verðmæti þjóðar til friðþægingar braskara og áhættu,,fjárfesta".

Gaman væri að sjá hvernig svipuðum ,,kröfuhöfum" væri mætt í Hvíta húsinu, nú þegar milljarða hundruðir eru afskrifaðir í bönkum sem eru að falla sem strá fyrir slátturmanni í BNA.

Með kveðjum friðar og rólegheita

Mibæjaríhaldið

Flokkur: Bloggar | Facebook