Af hálfsannleik.

Nú fara menn mikinn í yfirlýsingum um hvaðeina og eins og svo oft gerist í hita leiksins, skeyta menn misjafnlega um, hvað er kórrétt, heldur vilja margir hafa það sem betur hljómar fyrir þeirra ,,málstað".

Þetta var nú bara kallaðir lygarar á mínu bernskuheimili.

,,Virtir" fræðimenn skrökva með tölum og skýrslum, hverjar þeir hafa uppdiktað og soðið.  Síðan er lagt út frá þessu bulli þeirra, eins og þar fari rit á pari við Hið Nýja Testamennt.  Frambjóðendur, vilhallir þessum ,,fræðimönnum", tala sig hása og belgjast út af vandlætingu yfir ,,niðurstöðum virtra fræðimanna".  Falleinkunnir gefnar hægri vinstri og seilst langt um, til að láta allt líta sem hræðilegast út.

Alið á öfund, hver eiginleiki er í flestum en misgrunnt á því, gefið í skyn en ekki beinlínis sagt og svo er allt kórónað með því, að vitna í áður framkomna umræðu.

Þetta voru nú kallaðir loddarar og ómenni á mínu heimili.

Hef heyrt íallmörgum kunningjum núna frá Sumarmálum og verið að rabba við þá um hvað þeir ætli nú að gera í gróandanum, þann 12.  Flestir svara nú eins og ég hafði við búist en komið hefur fyrir, að einn og einn, hafa haldið nokkra tölu um, hvað illa sé nú farið með gamla fólkið og hversu miklar skerðingar séu viðhafðar þegar aurum er útdeilt.

Í sumum tilfellum, aðalega þegar ég hef þekkt nægjanlega vel til, hef ég oftast haft ástæður til að spyrja viðkomandi, sem nýverið var að kvarta sárann um aðbúnað gamla fólksins, --hvernig hafi verið í fríinu um Jólin á Kanarí eða eftir atvikum,- Flórída, hvort forgjöfin hafi ekki lækkað og hvenær viðkomandi ætli út aftur íhaust eða næstu Jól.

 Það er nefnilega svo yndislegt, að menn geta ferðaaast um og haft það gaman í svo mörgum tilfellum, áhyggjulausir og glaðir.  Ekki svo að skilja, að allir geti það.  Vissulega eru til þeir, sem verulega þurfa aðstoð og á hún að vera sjálfsögð. 

Punkturinn er, hversu ánægðir við megum vera, hvað margir hafa það bara fínt og geta leyft sér margt  á sínum efri árum.  Það er stórkostlegur árangur og vissulega eigum við að viðhalda þessu, síðan gera betur.

Þetta lið, sem er á listum stjórnarandstöðunnar og vinnur hjá Geðsvið Landsspítalans ætti auðvitað að la´ta þessa getið, ÁÐUR en þau fara í viðtöl við fréttastofurnar. Síðan ættu fre´ttamenn að vinna vinnuna sína og spyrja viðkomandi út í áður birtar greinar frá þeirra eigin hendi um aukin fjárframlög og ánægju með lausn húsnæðisvanda BUGLS.

 Ef stjórnmálamenn gerðu sér grein fyrir Höfuðsyndunum Sjö og færu nú að varast þær, ykist til muna virðing þeirra og þá vegsemd.

Gjör rétt þol ei órétt

 

Miðbæjaríhaldið 

Hvað er satt og hverju logið?

 

Hef verið að skoða hug minn um fjölmiðlun þegar svona skammt er til kosninga.  Æsiféttastíllinn er yfirgengilegur og á tíðum þannig, að maður hefur ekki undan að trúa.

Fréttamenn áttu viðtal við einn frambjóðenda Samfylkingarinnar, sem eru í stjórnarandstöðu en hún gegnir stjórnunarstöðu við Geðdeild Landsans.  Henni lá nú ekki vel orð til stjórnvalda og láðist auðvitað að geta þess, að svona eittþúsund milljónir af svonefndum Símapeningum, hafi verið eyrnamerkt einmittt þessu úrlausnarefni.  Talaði um svikin loforð og svik hér og þar.

Stjórnandi BUGLsins hefur einnig uppi allgrófelgar og digurbarkalegar fullyrðingar um erfiðleika við mönnun sinnar stofnunar og þar afleiðandi þjónustu.  Ekki minntist hann að heldur á þessa aura, sem hugsanlega eru í hasn augum´skiptimynt.

Svona til að vera þversum og trúr kverúlansíunni, verð ég að setja hingað inn dæmi um framgangsmáta, sem varla er til eftirbreytni.  Vinafólk mitt á barn (ungling) sem á við ákveðinn vanda að etja.  Viðkomandi var ,,vistaður" á BUGL og töldu foreldrar hans, gæfulega horfa.  Þegar þau vildu inna eftir framvindu og hvernig liði, var erfitt að ná í ,,fagfólkið"  það var nefnilega mjög svo upptekið á ,,fundum" , bæði á vinnustað og úti í bæ.  Vingjarnlegast var það starfsfólk, sem ekki var ,,fagfólk" heldur bara sjúkraliðar og slétt og fellt starfsfólk.

Hinir voru á fundi.

Hvernig í andsk..... er hægt að hafa undan að trúa þessu liði?  Þeir sem ekkert finna í sínum ranni, sem betur mætti fara en kenna öðrum um aðstæður og framgang, missa hratt rúverðuleika sinn í mínum huga, --þegar nær dregur kosningum.

Svo er ekki úr vegi, að minnast á þann arma mann, sem taldi sér ekki sæmandi, að koma til Íslands, síns heimalands, vegna þess, að hann hefði það svo miklu miklu betra á Sósíalnum í Danaveldi.  Þessi kvað hafa verið einn af átta fundarmönnum í Köben á vegum Samfó um vanda samneyslunnar á Íslandi haldinn íslenskum íbúum Danmerkur til uppfræðslu, svona rétt fyrir kosningar.

 

Mikið geta menn lagst lágt að láta aðra sjá sér farborða en landa sína.

 

Miðbæjaríhaldið

Bið um umþóttun.

Sem áhugamaður um margskonar skiplagsmál, pólitíkk, góða meðferð fjármuna almennings (skatta), samgöngur, flug, akstur og síðast en allsekki síst,--velferð afkomenda minna.  Verð ég að biðla til allra góðra manna um umþóttun í mikilvægum málum nútímans, sem kemur til með að ráða allmiklu um einmitt ofanritaða hagsmuni framtíðar.

Segi eins og listamaðurinn forðum  ,,Ekki meir ekki meir" Meistari hér er leir.

 Sko mín kæru.  Menn ætla að fara gegn skynsemi, góðri varúð og umhverfinu, öllu saman í einu.

Altso, þeir eru fastir í þeirri firru, að byggja Stalíníkt sjúkrahúsbákn við rætur Suðurhlíða, á svonefndri Landspítalalóð.

Mikil er trú mannanna.  Halda þessir ágætu menn, að starfsfólk þessa bákns geti tekið til vængja til að mæta í vinnuna?  Núverandi starfsmannafjöldi við núverandi sjúkrahús er slíkur, að umferðateppa myndast við hver vaktaskipti.  Ekki fækkar fólki í vinnu við stórfellda stækkun.

Sem bráðasjúkrahús fyrir nánast allt Höfuðborgarsvæðið nægir allsekki, að hafa eitt hús umkringt algerlega ófærum umferðahnútum, þrisvar á dag hið minnsta.

Ef lækna sem kenna í HÍ ætla að fara að kenna í binu framhaldi af vinnu sinni við sjúkrahúsið, fara þeir nefnilega út í bíl og aka sem leið liggur út í Vatnsmýri og upp í HÍ.  Veðurfarið er nefnilega tiltölulega leiðinlegt við berangurinn við Vatnsmýrarflugvöllinn.

Nú ætla menn jafnvel ða leggja nýjan flugvöll uppi á heiði, er því ekki tilvalið, að setja niður sjúkrahús ( ekki svona skelfilega stórt) með slysadeild, niður á lóð Ríkisins við Keldur?

Er þar ekki styttra frá flugvelli, Mosó, Breiðholtinu, Grafarvogi, Grafarholti og hvað þessi nýju hverfi öll heita?  Ætli ekki væri styttra að meðaltali fyrir starfsfólk að far til vinnu og þannig minnka akstur og mengun, þar sem flestir búa einmitt í þessum hverfum?

 

Elskurnar mínar, reynið að vakna ÁÐUR EN ÞIÐ FARIÐ AÐ BRJÓTA niður fullkomlega ágætar byggingar, svo sem Tanngarðinn.

Miðbæjaríhaldið

Af minnisglöpum.

Hef verið að skoða síður Samfylkingarmanna, karla og kvenna.  Fátt er þar sem er bitastætt eða næringarríkt fyrir velferð þjóðarinnar.

Einu hef ég tekið eftir þó.

Þetta fólk virðist eiga það sammerkt, að þau muna ekki nokkurn skapaðan hlut af sínum eigin gerðum.

Eru búin að steingleyma afrekalista þeirra í R-listasamstarfinu í aðstoð og byggingu svonefndra ,,vistunarúrræða" (sem er ljótt og stofnunarlegt orð, hlaðið skoðunum á eldri borgurum um að þau þurfi að vist / geyma) .  Ekki hrönnuðust upp slík heimili undir þeirra stjórn.  Hvað í ósköpunum er í spilunum, sem fá ætti menn að ætla, að svo yrði, fengju þeirnú stjórn landsmála í sínar hendur?

Svo er við hæfi, að skoða heildarskuldir sveitafélagsins Rvíkur, með öllum fyrirtækjum þess undir, líkt og gert er með smærri sveitafélög. 

Jú skuldir hrönnuðust upp, þrátt fyrir að minna hafi farið fyrir framkvæmdum borgurunum til heilla, nema ef Hringbrautin er talin til heilla okkur íbúum.

 Svo eru það ,,stórátak í öðruvísi atvinnutækifærum"  Lína Net stendur sem óbrotgjarn bautasteinn um reddingar þeirra, svo og önnur minni, sem lægra hafa farið.

ÉG bið allar góðar vættir forða Ríkissjóði frá slíkum snillingum í hagstjórn.

Svo er annar brandari.

Sá hér á síunum, að Jón nokkur ,,álverið er rétt að koma" ráðherra Krata var að tjá sig um hagstjórn.   Ekki bera þessir menn mikla virðingu fyrir minni Herra og Frú Kjósanda.  Við munum ,,hagstjórnar"- reddingar og aðgerðir þessara blessaðra manna. 

 

Ei meir, Meistari ei meir.

 

Njótið dagsins

Miðbæjaríhaldið

Fyrirsjáanleg viðbrögð.

Notaði tímann utan þjónustusvæðis netsins, til þess að hlusta á útvarp og njóta bæði tónlistar og talaðs máls.  Er nánast alæta á tónlist nema ef vera kynni strembna nútímatónlist, sem svo er nefnd.  Undir þann flokk fara elektrónísk tónlist og þessháttar a la Atli Heimir á sínum yngri og svo þessi, sem er svona eins og höfundar séu að leggja sig eftir því, að láta hlustendum líða illa, sakir óvænts hávaða.

Hlustaði auðvitað á pólitíska umræðu og varð ekki hissa.  Allt samkvæmt bókinni þar, ekkert sem kom á óvart og til þess fallið, að ýta neitt sérstaklega við mér. 

Össur í sama gírnum og gerir grín að viðleitni manna til að huga að öryggi þegnanna.  Gerir Birni upp her-duld og milleterisma.  Furðulegt hvernig hann fær það heim og saman, að ef Björgunarsveitarmenn, læknar og sérfræðingar aðrir, sem nú gefa all margir vinnu sína við leit og björgun, fái greitt innan skipulagðs hóps, jafngildi það hernaðarbrölti.  Mér finnst það afar virðingarvert hjá Birni, að vilja greiða þessu fólki einhverja aura fyrir sitt framlag og gera minni sveitum kleyft, að halda uppi einhverju föstu starfi, án þess, að liðsmenn þeirra verði af launagreiðslum eins og kvað vera stundum raunin.

Frjálslyndir setja fókusinn á hugsanleg vandamál því fylgjandi, að hafa áfram nánast frjálst flæði inn í landið og benda á vítin umhverfis okkur, til varnaðar.  Gefa í skyn, að við séum í grunninn ekkert öðruvísi en hinar þjóðirnar, þegar að svona löguðu kemur.

Auðvitað spretta sjálfskipuð góðmenni upp á afturlappirnar, berja sér á brjóst og segja Frjálslynda ekkert frjálslynda, heldur rasista, og tína til allskonar vammir og skammir á þá, með fullyrðingum um rangan málflutning.  Það er auðvitað bara áróður í rasistum og nú Frjálslyndum, að pústrar hafi orðið milli innfæddra og aðfluttra í Evrópulöndunum og jafnvel Norðurlöndunum, sem við viljum svo oft bera okkur saman við.  Svo er það lygimál og vitleysa, að iðnaðarmönnum innlendum hafi verið sagt upp og boðið ný störf á berum töxtum.  Að öðrum kosti munu vinnuveitendur þeirra bara bæta við Pólverjum Litháum og öðrum nýbúum.

Svo hefst hið venjubundna og algerlega fyrirséða röfl um, hvað ,,hinir" séu vitlausir, jafnvel heimskir og auðvitað ,,ómenntaðir", tilboð um aðstoð við stafsetningu og þessháttar lágkúrulegt skítkast sem á að vera fyndið en er sett fram með hroka og yfirlæti, líkt og við er að búast í fyrirsjáanlegri orðræðu.

Kosningarnar í Hafnafirði gengu og niðurstaða fékkst.  Fyrirsjáanlegar upphrópanir um stórsigur lýðræðisins og að brotið hafi verið í blað....bla bla bla.  Allt svo skelfilega fyrirsjánlegt.  Hví ætli Samfylkingamenn ,,vatnaskil í íbúalýðræðinu" brjóstáberjandi ,,sigurvegarar" lýðræðisins,--hafi ekki minnst einu orði á aðrar kosningar, sem fram hafa farið með spekt og niðurstöður fengist úr úr hverjum hefur verið unnið?  Gæti það verið vegna þess, að það var hjá Íhaldinu á Seltjarnarnesi?

 Svo er fullkomlega fyrirsjáanlegt, að þeis sem náðu ekki tilætluðum árangri, telja nú, að smalamennska hafi verið viðhöfð og utanbæjarlið, flestir anarkistar í prjónelsi, hafi verið fluttir nánast hreppaflutningum til Hafnafjarðar tila ð greiða atkvæði gegn álverinu og þannig abbast uppá annarra manna jússur.

Semsagt allt svo leiðinlega fyrirsjáanlegt og yfirborðskennt í pólitíkkinni þessa helgina.

Miðbæjaríhaldið

 

Helgi stórra ákvarðana.

Nú um helgina munu kjósendur í Hafnafirði kjósa um skipulagstillögu.  Það er ekkert venjuleg skipulagstillaga, ekki bara um hvort einni húsaröð verði fleirra eða færra.

ÞEtta er mikið vald, sem kjósendum er falið og óska ég bæjarstjórninn til hamingju með skipulag og alla umgjörð.  Hafa vandað sig við, að halla á kvorugan, þ.e. hvorki álverssinna eða andstæðinga.  Þetta er til eftirbreytni hjá öðrum sveitarstjórnum.   *Betur hefði verið fyrir okkur Reykvíkinga, að svona hefði verið að málum staðið við atkvæðagreiðsluna um flugvallarómyndina í Vatnsmýrinni forðum.

Já mikið er í húfi fyrir bæjarfélagið.  Atvinna mjög margra veltur á, að leyfi fáist fyrir stækkun.  Ekki bara þeirra, sem vinna í verinu og þá sem koma til með að fá vinnu í stækkuðu veri, heldur einnig hjá þeim fyrirtækjum, sem þjónusta verið.  Það er í það minnsta ekki einfallt mál, að segja nei.

Hér sannast orðskviðurinn ,,Sá á kvölina sen á völina"

Eitt hefur þó komið skýrt fram í aðdragand þessarar kosningar.  Samfylkingarmenn vilja helst veiða í gruggugu vatni.  Gera mönnum upp skoðanir, gefa sér forsendur um afstöðu og rakka menn svo niður allt í takti við gefnar foresndur.  Þetta getur vart talist drengilegt.

Fór ögn yfir, hvernig sumir gefa sér, að Davíð hafi farið í fýlukast vegna framgöngu Jóns Baldna.  Þannig vildi hugarsmiðurin gera Jón að hreyfiafli í skoðunarmyndun Davíðs.  EÞtta er svæsnari brandari en þeir alverstu Hafnafjarðarbrandarar, sem undirritaður hefur heyrt.

Nú hafa Samfóarnir sett fram enn eina ,,aðgerðaráætlun" í velferðarma´lum og snýst þessi nýja um blessuð börnin okkar.  Flott plagg og áferðafallegt, þrýdd myndum af ungviðinu brosandi í leik og starfi.  Minnir óneitanlega á póstera frá Kreml um gleði hinna vinnandi stétta, hvar allir voru brosandi og glaðir.  Títt héldu menn á flöggum eða táknum um gæði stjórnenda.

Minni á upphlaup þeirra um aðstæður aldraða og dvalarúrræði þeim til handa.  Fóru mikinn um, að núverandi stjórnvöld hafi verið slök við uppbygginguna.  Raunin var hinnsvegar sú, að það sveitafélag, sem hvað verst stóð í þessum efnum var Reykjavík sem hafið verið undir stjórn þessara flokka í alltof mörg ár.  Ekkert gert þar til að mæta þörfinni og jafnvel flækst fyrir fyrirtækjum í þiem geira sem vildu byggja.  Hver var að tala um trúverðuleika í málflutningi?

 Nú líður að helgi og maður verður utan þjónustusvæðis netsins, þar sem ég hef ekki komið me´r svoleiðis tengingum í hreiðrinu mínu fyrir austan.  Hlakka samt til að dvelja þar í ró og næði í rigningu og roki ef marka má spá veðurfræðinga.

Bið öllum Guðsblessunar, já og jafnvel Samfóliðum og öðrum Kommatittum.

Miðbæjaríhaldið 

Gull í tá og góða skó til að dansa á.

 

Loforðaflaumur manna til að fá aðra á sína skoðun er alþekkt fyrirbæri.  Það sem ég setti í fyrirsögn er hluti úr húsgangi en á afskaplega vel við málflutning Evrópusambandssinna.

Þeir lofa afnámi verðtryggingar.

Þeir lofa lægri vöxtum til húsnæðiskaupa.

Þeir lofa öðruvísi fjármálaumhverfi.

Þeir lofa undraveröld hvar Gaukar gala, laukar spretta og ærnar fara úr reyfum sínum.

Látum okkur sjá.

Allt sem sett er fram um fjármálin er auðveldlega hægt að gera ÁN ÞESS AÐ AFSALA OKKUR SJÁLFRÆÐI til útlendra.

Ekki spretta nú margir laukar í beðum atvinnulausra á Írlandi, þó svo að meðaltali hafi þeim vegnað afar vel.  Kenmur þar til átak innlendra í sínum fjármálum en EKKI  vegna inngöngu þeirra í Efnahagsbandalagið.

Ekki hafa frakkar heldur mikið fé sem fer úr reyfum, vegna góðviðris í sama bandalagi, kappnóg vandamál þar.

Danir hafa nú þurft að skoða sín mál nokkuð ,,gurndikt" sakir ýmisa mála tengd reglum bandalagsins.

Svo er ofmat hjá mörgum álitsgjöfum, að akkur okkar af veru innan EES sé svo mikill.  Ég var einn þeirra, sem hallaðist að svonefndum ,,tvíhliða samningum" líkt og Svissararnir fóru.  Þar á bæ víkur svo við, að þeir njóta allra kosta þáttöku en eru sínir eigin húsbændur í öllum sínum málum stórum sem smáum. 

Að vísu er svo og verð ég að gangast greiðlega við því, að ég var einnig einn þeirra, sem sá afar marga agnúa á Schengen bullinu, taldi það bæði kaupdýrt og ekki til hagræðis fyrir okkur á neinn hátt.  Þar viriðst ég haf verið nokkuð sannspár.

Ég sé ekki hvernig við náum vopnum okkar gegn óvígum her lobbyista frá hinum stóru ríkjum Evrópu.  Þar eru fyrir á fleti 10.000 manna her möppudýra og penna-skilmingaþræla.  Halda þessir ungu Evrópusinnar, að þeirra för þangað verði stórmannleg og líkleg til stórra sigra og landvinninga??  Ekki er ég svo geðveikislega bjartsýnn.

 

Frekar er okkar vígvöllur ,,hinir hvítu dúkar" hvar okkar fulltrúar hafa í gegnum tíðina sjarmerað fólk uppúr skónum. 

Allir muna eftir því hve ótrúlegum árangri Hannes Hafstein náði.  Þeim sigrum náði hann þegar stórveislur voru haldnar og sjarmerandi framkoma hans lýsti upp salarkynni, þar týri varla af Norsurunum og jafnvel dönskum hirðmönnum.

Svona hafa okkar menn náð sigri, sjáði bara framgöngu Ólafs Thors, Bjarna Ben, Geirs Hallgrímssonar og nú síðast Davíðs og Jóns Baldna.

nægir að sinni

 

Miðbæjaríhaldið

Miklir menn erum við ........

Mér kom í hug þessi orð, þegar ég var að lesa staðhæfingar um, hvað hafi verið skoðun Davíðs Oddsonar, þegar hann var borgarstjóri.  Það er ekki ónýtt, að vera svo klár, að geta lesið sér til hægðar, hvaðeina út úr tilsvörum pólitískra andstæðinga.  Sérstaklega þegar mikið liggur við, svo sem áróður fyrir Evrópubandalagsaðild.

Menn seilast um langt, til þess, að koma þeirri hugsun inn hjá fólki, að einn stærsti stjórnmálamaður frá lýðveldisstofnun hafi á einhverjum tímapunkti velt fyrir sér þeim möguleika, að íslendingar skoðuðu aðild að efnahagsbandalagi.  Mikið liggur við, að skreyta sig með hugsanlegum skoðunum andstæðinga sinna. 

Að vísu gæti alverg verið, að Davíð hafi skoðað einhverja þætti aðildar, sem kæmu okkur vel en jafnframt liggur fyrir, að að lokinni þeirri skoðun, var það klár og föst afstaða hans, að við hefðum líklega ekkert nema tjón af því  að  ganga í þau björg.

Síðan kemur brandarinn:  Stjórnmálafræðingurinn heldur því fram, að Davíð hafi farið í fýlu útr í Jón Baldvin og ÞESSVEGNA HAFI HANN SKIPT UM SKOÐUN.  ÞEtta er ekkert annað en tær snilld.  að gera Jón Baldvin að einhverskonar geranda í afstöðu Davíðs er ekkert annað en oflof á Jón, með fullri virðingu fyrir Jóni. 

Ef þjóðfélagsumræða langskólagenginna þtjórnmálafræðinga er svona, gef ég nú ekki mikið fyrir ,,vísindin" sem þar eru stunduð. 

 Auðvitað er langskólagengnum þjóðfélags,,vísindamönnum" heimilt að hafa skoðanir á hvaðeinu en ekki setja þær fram sem niðurstöður vísindalegrar skoðunar, það er ekkert annað en dónaskapur við svona sæmilega gerðra menn.

 Annars var fallegt veður í morgun og er ég því bjartsýnn á, að þetta lagist hjá skrifræðis-Krötunum okkar.

 

lifið heil

Miðbæjaríhaldið

svona til að prófa

 

Hef verið að skoða blogg hinna mætustu manna. Þori vart að hefja bloggið en læt nú vaða.

Sko.

Margir blogga um stjórnmál, aðrir um svona daglegt líf. ætli ég komi ekki til með að blogga um stjórnmál, það eru meir líkur en minni á því.

Altso.

Er ekki alveg rór yfir skoðanakönnunum er alltaf jafn hissa á, hve auðtrúa menn eru.  Eru tilbúnir til, að la´ta atkvæði sitt á það fólk, sem lofar stöðnun og afturhaldi í einu o öllu, nema ef vera kynni túrisma, sem er að jöfnu láglaunastörf.

Sumsé.

Allstór hluti kjósenda gætu að jöfnu kosið Framboðsflokkinn, sem vildi hringveg í hverja byggð, lækkun skatta og aukin útgjöld til górða mála, allt eftir því við hvern var talað.

Að öllu skoðuðu.

Hripa eitthvað sienna, þegar me´r svellur móður.

Miðbæjaríhaldið

Fyrsta bloggfærsla

Þessi færsla er búin til af kerfinu þegar notandi er stofnaður. Henni má eyða eða breyta að vild.