Hættið nú að grafa!!!!!!

Það kemur ekki til nokkurra mála, að hrófla við eða herða að rekstrarskilyrðum Íbúðalánasjóðs.

Það kemur ekki til nokkurra mála, að Lífeyrissjóðir okkar verði notaðir til þess, eins, að gera örfáum ,,stjórnendum" -------sem voru á því er þeir kölluðu ,,alþjóðleg markaðslaun" bankastjóra til að réttlæta ofurlaun og græðgi.  En eru auðvitað nú, að fá niðurstöður úr MATI ERLENDRA VINNUVEITENDA á þeirra eigin getu, sem er í þá veru, að sömu erlendu hugsanlegu vinnuveitendur íslensku snillingana, setja þá á par og borð við bankastjóra lítilla ítalskra sveitabanka og enskra ,,byggung" firma.------- kleyft, að mjólka enn frekar unga fólkið okkar til langrar framtíðar og elta okkur hin niður í kistuna okkar sex fet niður!!!!!

 

Nei ungu menn, hyggið frekar að því, af hverju þetta lið er nú í þessum kröggum og innið eftir því, hvort ekki hafi veri farið eitthvað á skjön við reglur þá bankarnir voru seldir í hendur þessara fjárglæframanna, sem þeir virðast vera í augum ykkar, þar sem þið teljið ljóst, að þeim þurfi að hjálpa uppúr þeirri holu, sem við blasir nú.

Við eldri Sjálfstæðismenn, sem höfum talið eðlilegt, að standa vörð um hag unga fólksins og þeirra sem aðstoð þurfa vegna sérstakra aðstæðna, viljum koma því til ykkar, að ekkert réttlætir það, að Ríkið hlaupi undir bagga með sjálftökuliðinu, sem haldið hefur vöxtum meir en fimmföldum á við Evrópu til okkar minnstu bræðra og systra, til þess eins að þeir fái mýkra í ból sín.

Ekkert réttlætir eftirgjöf eða mjúklega meðferð á þeim sem flogið hafa að hætti Íkarusar og talað um leið afar niðrandi um þa´menn í okkar forystu, sem hvöttu til varkárni og hófstillingar í öllum bokkaskap.

Ég man vel hvernig þeir sem á undan ykkur komu og í forystu míns ástsæla Flokks voru, ypptu ÆTÍÐ og ÆVINLEGA Litla Jóni og konu hans Litlu Gunnu.

Bjarni Ben lagði mikið á sig í varnarbaráttu fyrir meðal-Jóninn í íslensku umhverfi.  Frelsi eins mátti aldrei verða helsi annars og aulahátt stórbokka átti EKKI að taka út á skinni venjulegs brauðstritara.  Þetta marg marg heyrði ég hann segja (eða eitthvað í þa´veru) á mörgum fundum og einnig heima hjá foreldrum mínum.  Einar Oddur, Matti Bjarna, Davíð Oddson Geir Hallgrímsson og listinn væri langur, --vildu temja mönnum hófsemi, lítillæti og vara menn við DRAMBI.

Sumir fengu illyrmislega að finna fyrir því, að viðhlæjendur stórbokka eru í hlutfalli við auraráðin og því sýndu menn þeim fylgilag, þó ekki opinberlega, sem fóru gegn foringjum okkar.  Því er nú svo, að miðin eru að eyðast, venjulegt fólk að sligast undan VAXTAOKRI og síðasta haldreipi þess fólks er, að segjast vilja fara í Evrópusambandið, hvar ekki eru slíkar álögur og afarkostir.  Tilbúnir til að afsala sér auðlindunum, sem eru hvort sem er ónýtar úr höndum braskara.

 

Nei ungu menn, þetta er þvert á þá SJÁLFSTÆÐISSTEFNU, SEM ÉG NAM UNGUR.

Gamalt vestfirskt máltæki sagði;  Þá verður að svíða sem undir míga"  svo mun, ef undirmigan er af eigin tilverkaði en ekki á sett af okrurum, líkt og stundum er raunin hér á landi voru og löffaklíkan margfaldi höfuðstóla með sjálftöku og síðar aðstoð dómstóla.

 með kærri Flokkskveðju

Miðbæjaríhaldið

hnuggið yfir greinarskrifum þeirra ungu manna, sem það hafði nokkra trú á, að gætu verið merkisberar Flokksins.

 

Brýnt að grípa strax til aðgerða vegna bankanna

Athugasemdir

[Gísli Baldvinsson (IP-tala skráð) 26.2.2008 kl. 10:27]

Það er skemmtilega kunnuglegur tónn í þessu Bjarni. Ertu viss að þessir þingmenn skilji upprunann? Held ekki.

[Bjarni Kjartansson, 26.2.2008 kl. 10:36]

Verð að vona það, ella væri illt í efni fyrir minn elskaða Flokk, hverjum ég hef unnið þó nokkuð en algerlega fúslega.

Miðbæjaríhaldið

[Þorsteinn Valur Baldvinsson, 26.2.2008 kl. 10:38]

Sé ekki þörf á að fórna Íbúðarlánasjóð til að fullnægja græðginni, sem hefur einkennt stjórnendur og eigendur fjármálastofnana, og legg til að Lífeyrissjóðirnir dragi sig út úr slíkum félagsskap.

[Halldór Jónsson, 26.2.2008 kl. 23:22]

Mér er sagt að þeir bubbarnir Sigurður Einarsson og Hreiðar bánkastjóri hjá Kaupþingi séu búnir að setja ráðningabann á þvottakonur og aðra hjá fyrirtækinu. Kannske segja þeir einhverjum upp til viðbótar. Voru þeir ekki með hálfan milljarð hvor í laun.  ? Það er eins gott að enginn stingi ekki uppá að þau verði lækkað í Glitnisstíl.

Mikil svakaleg séní hljóta þessir menn að vera þegar maður hugsar að það væri hægt að ráða svona 20 hagfræðidoktora eða stærðfræðinga fyrir hvorn þeirra til að vinna hjá Kaupþingi.  Hugsið ykkur hvílík hrikaleg afköst hljóta að vera hjá þessum mönnum.

Það er ekkert "Varaðu þig Valnastakkur, fallinn er hann fjögramaki " í Kaupþingi.

[Sigurður Þórðarson, 27.2.2008 kl. 22:22]

Þetta hljómar því miður kunnuglega.