Ung kona þögguð?

Var að hugsa um, hve lítið er fjallað um sýn hinnar ungu sómölsku konu á ofur umburðalyndi Vesturlanda á hinum ,,menningartengdu" glæpum og hve yfirborðsleg rósemi vegna niðurbrota á gildum jafnræðis, jafnvel með forgangi, eru hættuleg iðja.

 

Hversvegna ætlli þetta sé?

Ekki PC að taka afstöðu í þessu máli?

Hættulegt fyrir ,,jákvæða" mismunun að velta svonalöguðu fyrir sér.

Er ósnertanleg umræða, að tala um að eitthvað sé ,,betra" en annað, bæði í hegðan og menningu?

Gæti þetta átt við um fleirri svið manleg?

Hafa menn þor til að skoða þetta niður í kjölinn án fyrifram gefinna niðurstaðna?

Fyrirfram gefin niðurstaða er ekki vísindaleg og nefni ég svoleiðis yfirleitt fordóma.  Semsagt, búið er að dæma niðurstöðuna fyrirfram.

 

Svo er auðvitað,, að við búum í mannheimum, hvar hver dæmir sig ljúfar en aðra.

Miðbæjaríhaldið

 

 

Vestfirðingar huga að sjálfstæðisyfirlýsingu.

Samkvæmt frétt á Eyjunni, virðist evera lífsmark með sumum á vestfjörðum. 

Tillaga kom fram um, að Vestfirðir yrðu nánast lýstir sjálfstæðir.

 

ÞEtta vildi ég mjög á þeim tímum, sem ég bjó vestra.  ÞAð er með hreinum eindæmum, hvernig búið er að fara með þennann landshluta í gegnum árin.

Afskiptir í samgöngumálum sem öðru.  Kvótakerfið gekk mjög nærri byggðunum með hverri bommertunni af annarri.

 Þorskurinn ,,jafnaður" milli svæða og svo Grálúðan.  Steinbítur og hvaðeina, sem var nánast bundið við skipin að Vestan. 

ÞEtta allt saman jafnað út en Síld og Loðnu kyrfilega haldið utan við ,,jöfnuð"

 

Áfram mínir frændur!!!!!!

 

Miðbæjaríhaldið

fyrrum Vestfjarðaríhald

Hlaut að koma að þessu.

Var að glugga í Vefritið, svona undir Hádegisfréttunum.  Sá þar herhróp frá konu, sem telur sig Félagshyggjukonu.

Herhrópið er, að stofna til nýs stjórnmálaflokks, hvar menn skrá sig til framboðs sem sameinar Vinstri og Félagshyggjufólk undir EINN gunnfána.

Hef svosem heyrt þennann áður en ekki enn hlegið, bara svona brosað í kampinn.

Man ekki í svipinn nöfnin á öllum þessum flokkum en nú kváðu tveir vera til á skrá, annar í stjórn, hinn utan stjórnar.

 

Sumsé;  Tími sumra er ekki enn kominn en á leiðinni, alltaf á leiðinni trala tralla la.

Mðibæjaríhaldið

Nú verð ég líklega að ganga frá hver kastar rekunum yfir mig.

Samkvæmt listanum hér, minnka mjög líkurnar á því, að aðeins karlprestar þjóni í Dómkirkjunni.

Það gerir það að verkum, að við sem erum sóknarbörn þarna niðurfrá, getum ekki gengið að þvi vísu, að karlprestur kasti yfir okkur úr rekunum.

Því verð ég að innmúra það, að einhver þjónn Kirkjunnar, sem ég tel til þess bærann, sjái um náinn minn.

Vil liggja á nástrái þrjár Sólaruppkomur og njóta blessunar Kirkjunnar til fararinnar.

Sólarljóð skipa svo fyrir.

Miðbæjaríhaldið

Sjö sóttu um embætti Dómkirkjuprests

OG auðvitað á Patrol jeppa.

PAttarnir eru lang lang flottastir og hafa reynst vel í jöklaferðum, sérstaklega þessir af eldri árgerðunum.

Flottar myndir.

Miðbæjaríhaldið

Patrol 99

Ólafur Elíasson sýnir jökulsvelgjamyndir í Bandaríkjunum

Af hverju trúir maður þessu ekki alveg?

Það er svona einhver efi, sem tekur sér bólfestu í huganum, þegar fréttir af breytingum á rekstrarformi Samvinnufélaga eru tilkynnt.  Af hverju það er, veit maður auðvitað ekki fyrir víst en efinn er til staðar og heilinn tekur minna og minna trúanlegt, sem úr þessum herbúðum kemur.

ESSO

Samskip

KEA

KÞ

SÍS sjálfur

Og svo hellast yfir mann sitthverjar pælingar um slit hinna ýmsu Kaupfélaga, sem auðvitað áttu sinn hlut í sjóðum SÍS.  Ekkert fékkst upp í kröfur þegar eftir var leitað hjá lánadrottnum þeirra.  Eigur sumra Kaupfélaga fóru svona út um borg og bí, að mati margra.

Samt eru forsvarsmenn ýmissa Samvinnufélaga og félaga þeim tengdum, multi-millar í dag, þó svo þeir hafi verið launþegar hjá þessum fyrirtækjum.  Furðulegt nokk.

 

Semsagt, hver á Brunabót?

 

Hver á aurana sem fóru í sjóði SÍS?

Hver fer með ráðstöfun fjárins?

 

Spurningarnar eru fjölmargar og sumar snúast nú um ,,eign" Kaupfélagana í hinum aðskiljanlegu Sparisjóðum út um allt land.  Það kvað vera góð eign í þeim bréfum.

Þetta eru svona pælingar út í loftið.  Ekki svo að skilja, að ég öfundi neinn af auð þeim sem til er komin af ráðdeildarsemi og þvíumlíku, nei öðru nær en sem svona sléttur brauðstritari, væri ögn þægilegra að sjá, að sömu reglur giltu um þau pund, sem hið opinbera gerir þeim að greiða í skatt og þessi óvera, sem frá mér kemur til sameiginlegra þarfa þjóðarinnar.

Miðbæjaríhaldið

Frestur vegna vafa um hlutafjáreign í Samvinnutryggingum rennur út

Ánægjulegar fréttir fyrir Sundstaði Rvíkurborgar.

 

Vonandi er þessi frétt til þess að menn virði það starf sem unnið er á sundstöðum borgarinnar að verðleikum.

Enn og aftur kemur fram, að starfsfólkið hjá ITR hefur verið að gera góða hluti þar.

Einnig er ánægjulegt, að sjá að unga fólkið, sem er uppistaðan hjá Sundstöðunum að sumri til, fær svona góða umsögn.  Hér er fjöður í hatt borgarinnar, sem menn skulu líta til og auka fjármagn í þennann geira.

 Miðbæjaríhaldið

Erlendir ferðamenn ánægðastir með sundstaðina

Var svona að velta einu fyrir mér, sko.

Ekki alls fyrir löngu komu hingað menn frá Alþjóða Gjaldeyrissjóðnum og höfðu allt á hornum sér með Íbúðalánasjóð.  Töldu fyrirbærið tilræði við peningastefnu ríkisstjórnarinnar.  Stórhættulega menn, sem leiddu ekkert yfir þjóðina anað en verðbólgu og ósvinnu, allt vegna þess, að þeir lánuðu péning í íbúðarhúsnæði úti á landi og jafnvel stóran hluta af kaupverði.

Þjóðarnauðsyn væri að leggja hann niður sem fyrst og leyfa hinum algóða ,,Markaði" að blása út skítalyktinni þaðan.  Afhenda bönkunum alla lánastarfsemi, þar sem þar væru sko fagmenn í lánveitingum og vissu miklu miklu betur hvert ætti að lána péning.  Þar ríki blóðug samkeppni um kúnnann og ekkert gefið eftir í þeim efnum, þó svo að sömu menn skýri það svo ekkert nánar fyrir okkur pupulnum, þetta með sömu yfirdráttarg FIT kostnað (færslulisti innistæðulausra TÉKKA!!!) OG ÖNNUR ,,Þjónustugjöld, svosem notkun Netbanka, hvar viðskipta ,,vinurinn" með áherslu á ,,vinurinn", vinnur alla vinnuna í millifærslunum en fær samt gjaldfærslu (afar svipaða hjá öllum bönkunum) fyrir að fá að vinna vinnu bankamannsins.  Sniðugt,---- hvernig get ég komist í þá aðstöðu, að láta einhvern vinna vinnu fyrir mig og rukka hann svo fyrir stuðið?

Skyldu þessir sömu menn ekki vera á handahlaupum til Búsksins í Hvíta húsinu?  Karlinn er ekki með öllum mjalla, ætlar að stofna viðlíka húsnæðisbanka í henni Ameríku, hvar okkar businessmenn líta til sem fyrirmyndarríkis. 

Nú ríður á, að þeir hjá Alþjóðagjaldeyrissjónum, bregðist nú fljótt við og leiðbeini yfirvöldum í BNA.  Annars verður illt í efni hér, því eins og áður fær íslenskt hagkerfi lungnabólgu, þegar kerfið á Wall S fær kvefpest.

 Þetta er bráðfyndið, að sömu jakkalakkarnir, sem tala með alvarlegu augunum um leiðbeiningar Alþjóða gjaldeyrissjóðsins, skulu einni g lýsa yfir mikilli gleði og ánægju yfir því, að Búsk stjórnin skuli vera að setja péning í að redda bönkunum fyrir horn vegna lítt tryggðra útlána og að sömu yfirvöld skuli nú ætla að stofna björgunarsveitarbanka fyrir einmitt húsnæðislánin og hyggjast jafnvel taka upp lánveitingar til þeirra sem minna eiga undir sér svona í peningalegu tilliti.

 Hvernig er með virðingu þessara manna við minni og skilning almennings?  Halda þessir jakkaklæddu menn virkilega, að almenningur sé svona skini skroppinn?   Svo kemur þetta lið aftur og aftur fram í sjónvarpi, -báðum stöðvum sem eru með fréttir,--og skamma Litla Jón og Litlu Gunnu fyrir óráðsíu og fjárfestingafyllerí.

Litla Gunna fær engu og ég endurtek ENGU UM ÞAÐ RÁÐIÐ hvaða vextir eru reiknaðir af skuldum hennar við bankana, þeir eru nánast allir breytilegir og á settir að geðþótta hins samningsaðilans.

Svo belgja þessir menn sig út og hefja upp raust sína um lélegar áætlanir og greiningu óáfallinna vaxta.  Síðan er giggið toppað með því, að senda rukkunina í Lögfræðiinnheimtu hjá ,,firma úti í bæ" sem síðan bætir nú í  og leggur verulegan kostnað aukreitis á Litlu Gunnu.  Það gæti verið til þess, að henni reyndist auðveldara að standa nú í skilum við bankann sinn, að öðrum kosti, bjóða allt upp ofanaf henni og selja öðrum. 

 Auðvitað eru mál, sem enda með lögtökum og uppboðum EN það er alger óþarfi hjá bönkum og svoleiðis kerfum, að leita út fyrir fyrirtækið til að hækka kröfurnar, nóg eru oftast vandræðin fyrir.

 

Með von um, að Búsknum verði leiðbeint um góða siðu í þessum péningamálum af vinum okkar í Alþjóðagjaldeyrissjóðnum.  Þar eru sko fagmenn að verki.

 

Miðbæjaríhaldið

Misskipt er nú gæðunum.

Byr eykur hagnað sinn um einhver 500% en verktakastarfsemin skilar nánast engu, þrátt fyrir verkefnafjöld og bullandi umsvif.

Hvurnig má það vera, að svona sé í potta búið?

Bankar neita að geta tekna af seðilgjöldum.

Bankar hækka vexti og allskonar gjöld.

Verktakar súpa Dauðan úr skel.

 Brauðstritarar fá hnút í magann, þegar Pósturinn bankar á dyr með bréf frá einhverjum, sem vilja eiga við þá orð.

Svo hækka lánin vegna Verðtryggingar.

Svo hækkar Verðbótaþáttur, vegna þess, að íbúðarhúsnæði hækkar og allir sem selja hluti í húsbyggingar hækka sitt verð, þar sem allir vilja græða á hækkununum.

 

Semsagt, allt þetta ofurgróða-kerfi er borið uppi af brauðstriturunum, með einum eða öðrum hætti.

Ekki nema von, að sumir verði ríkari en aðrir, því eins og Orwell heitinn sagði, eru sumir jafnari en aðrir.

 

Miðbæjaríhaldið

Brauðstritari og faðir þriggja brauðstritara, hefur því áhyggjur af framtíð brauðstritara.

Hér verða mínir menn að vanda sig.

Víst er, að Vilhjálmur mun ekki gnaga á bak orða sinna og einkavæða þetta fyrirtæki okkar, heldur mun það áfram vera í eigu íbúanna allra jafnt.

Í þessum efnum verða menn að vanda sig mjög.  Tískusveiflur í rekstri fyrirtækja sem eru í eðli sínu opinber, líkt og er með OR, mega ekki villa mönnum sýn í viðleitni til að vera ,,nútímalegur".

 

ÞEtta sést best í Evrópu, hvar allmörg fyrirtæki, sem voru í ,,komunal" rekstri, voru seld til einkareksturs eða einkaaðilum falin rekstur þeirra.  Nokkuð mikið hefur verið um, að þessi fyrirtæki hafa verið að fara í opinberan rekstur aftur, vegna þrýstings frá kjósendum, einhverra hluta vegna.  Það hefur reynst bæjar og fylkisstjórnum afar dýrt, að kaupa menn frá þessum fyrirtækjum, sem flest eru með mjög sterka stöðu í húsnæði sem er mjög sérhæft, svo sem skólar, sundlaugar, íþróttamiðstöðvar og svo framvegis.

 

Hér verða menn að vanda sig afar vel, svo ekki illa fari og að orðheldni sé ekki dregin í efa.

 

Miðbæjaríhaldið.

 

Vill halda í það sem hald er í en breyta hinu

Hlutafélagavæðing OR rædd á stjórnarfundi í dag