Hugvit liðins tíma

 

Skildi vera til svona eins og ein verulega ÖFLUG Kommafæla??

 

Vildi endilega eiga nokkrar slíkar.

 

Mikið væri það gott þing.

 

Miðbæjaríhaldið

Fávitafæla og angurgapi til höfuðs erfiðum samböndum og nágrannaerjum

Eru þessar eldstöðvar með mengunarkvóta?

Nú verða menn að bregðast hratt við og senda væntanlegt gos í Umhverfismat.

Þarna geta auðvitað orðið ,,Óafturkræfar" breytingar á umhverfinu.  Mosi og jafnvel lyngmóar geta farið undir hraun.

Svo eru þetta örgustu umhverfissóðar og spúa eimyrju upp úr gígum sínum.

Gróðurhúsalofttegundirnar eru margar og svo ku Brennisteinsgufur stíga upp úr jörðinni við svona tildragelsi.

 

Semsagt.

 

Upptyppinga í umhverfismat.  Hið snarasta.

Miðbæjaríhaldið

þolir engum umhverfissóðaskap

2.300 skjálftar við Upptyppinga frá febrúar

Það virðist svíða undan.

EFtir lestur greianrinnar, er nokkuð ljóst, að þá bræður svíður undan umfjölluninni í Mannlífi.  Reynir setur fram í yfirlýsingu sinni, uppbyggingu mfjöllunarinnar og skjöplast ekki, við fyrstu yfirsýn.

SVo er þetta með samviskuna.

 

Hver dæmi sjálfan sig og láti samviskuna ráða.

Það er ekki að furða, þó svo mjög taki á sálartetrið, að ,,hafa í hendi sér" auð mikinn en geta ekki notað, nema eftir sölu á ,,eign" sem verulegar deilur eru um í þjóðfélaginu, hvort geti talist ,,einkaeing" eða öðruvísi eign.

Hver skoði sitt hugarfylgsni og dæmi um, hvort þeir sjálfir væru svo sterkir á hinu hála svelli ,,samkenndarinnar með íbúuum" að þeir létu ekki undan freistingunni, að láta ,,re´ttinn" til fiskveiða af hendi fyrir Gull, nokkuð vel útilátið.

Miðbæjaríhaldið

Segir eins og vinurinn ljúfi frá Flateyri sagði svo oft.  ,,Við búum í Mannheimum, ljúfurinn minn"

Drottinn blessi minningu hans um ókomna daga.

 

 

Yfirlýsing frá Reyni Traustasyni

Um orðanotkun.

 Ég veit ekki um aðra en mér mislíkar röng notkun orða.

Nú gerðist það, að örvinglaður maður vó annann með skotvopni.

Fór að vísu af vetvangi og stytti sér aldur með sama vopni.  Áður hafði hann skrifað bréf, merkt Lögreglunni, hvar hann lýsti vígi þessu á hendur sér.

Þar með er ekki hægt að nefna hann morðingja, heldur manndrápara, Mannsbana eða eitthvað í þá veru.

Morð er ekki framið, öðruvísi en að menn FELI verknaðinn.  SÖgnin að myrða þýðir einfaldlega að fela, í fornu máli. 

Verknaðurinne r svipaður, að svifta einhvern lífi en með orðinu morðingi, gefa menn til kynna, að viðkomandi hafi viljað fela verknaðinn og komast upp með hann og halda lífi sínu. 

Slíkur verknaður er enn ljótari en að svifta annann lífi.  Sýnir nefnilega heigulshátt.  Síðan er auðvitað hægt að rökræða óendanlega, um hvaða notkun sé ,,búið að öðlast þegnrétt ímálinu".

Litbrigði okkar tungumáls er svo mörg, að við ættum ekki að rýra það, með því, að hætta að greina á milli blæbrigðana. 

RUV var engu betri en hinir fjölmiðlarnir og ef eitthvað var, líklega kom þá Bylgjan best út, þar sem þar á bæ, var talað um árásarmanninn en ekki morðingjann í flestum umfjöllununum á þeirri stöð.

 

Líklega er ég hér, að berja hausnum við stein, eins og svo oft en vildi samt, að þetta færi út á vefinn.

Með hluttekningu til allra sem málið varðar, því þarna er mikill harmleikur á ferðinni og ótalmörg sár, sem verða sár, lengi.

 

Miðbæjaríhaldið

Svo segja menn, að þeir nýti ekki afls.

Svona er nú það.

Og svo segja stjórnendur stórfyrirtækja, að þeir nýti ekki afls gegn samkeppninni.  Verða heilagir í framan og spyrja svona út í skjánna, ,,halda menn , að við förum með ójöfnuði um markaðskerfið?"  og allr verða andaktugir og Jesúsa sig yfir því, hversu góðir þessir blessaðir menn eru allir saman.

Hér á við, það sem vinur mein einn nýlátinn sagði svo oft.  ,,Ljúfurinn minn, við búum í Mannheimum"

Mikið óskaplega sakna ég þess manns mikið.

Það er svosem önnur saga en ég bið lesendur muna þetta vel, að ágirndin lifir góðu lífi í Mannheimum og fæðir af sér systur sína Lygina.

 

Miðbæjaríhaldið

Hótuðu gjaldþroti

Efnahagskerfi með eigið líf?

Geta einhverjir skýrir og innvígðir menn í peningaheiminn skýrt fyrir mér, af hverju það má gerast, að þegar dollarinn hríðfellur og kemst í nánast sögulegt lágmark miðað við lykil gjaldmeiðla heimsins í sjálfu heimalandi hins almáttka Dollars,--HÆKKAR sama mynt miðað við okar Krónu, sem styrkist verulega miðað við Evru?

 

ÉG veit, að ég er ekkert voðalega skýr en þetta gersamlega fer fyrir ofan garð og neðan hjá mér.

Svo er annað, hvernig má það vera, að allar þessar hallir, sem verið er að reisa í verslun og skrifstofu geiranum, allt undir merkjum HAGRÆÐINGAR, seljast og seljast, verðið stígur og stígur en fólksfjöldinn á bakvið hvern fermetra hefr ekki í annann tíma verið minni en enmitt nú?

 

Svo er þetta með íbúðarhúsnæðið.  Hverjir koma til með að búa í öllum þessum húsum, sem verið er að reisa hér um allt, heilu hverfið rísa með ógnarhraða og gluggarnir standa tómir í mjög mörgum þessara fjölbýlishúsa en VERÐ á íbúðarhúsnæði heldur samt áfram á STÍGA með ógnarhraða?

Vextir hækka og verðbólgan knúin áfram af verði húsnæðis hækkar enn vextina (Verðtryggingin).

Hverjir eru að kaupa?

Geta það verið fyrirtæki, sem eru í eigu bankana sjálfra?

Hvernig má það vera, að Hagkerfi okkar lúti ekki neinum lögmálum, sem þekkt eru ytra?

Svo er annað, hver fann upp á því, að vextir sem eru á löngu teknum lánum BREYTAST við vaxtaákvarðanir, löngu eftir að skrifað var undir?

Hverskyns hagstjórn er það, að menn viti sem er, að það skiptir ekki nokkru máli, hvenær lán er tekið, hvort það er gert þegar vextir eru hagfelldir eða allt í botni eins og núna?  ÞEtta slær lítið sem ekkert á eftirspurnina eftir lánsfé, þar sem menn vita, að þetta er allt saman breytilegt.

Eru þetta gjafir til lánastofnana?  Að hækka afgjöld af söluvöru þeirra löngu eftir að salan fór fram?

Semsagt, nú skil ég betur það sem kunningi minn einn sagði mér fyri rmargt löngu síðan.

,,Eftir því sem fleirri Hagfræðingar koma að lagasetningu, því vitlausari er hún og skelfilegri fyrir hag fólksins og afkomu þjóðarinnar."

 

Miðbæjaríhaldið

Skilur hvorki upp né niður í Hagkerfi okkar hér á Fróni

Lei'ari Þorsteins um flugvallar bullið.

Áhugaverð lesning hjáÞorsteini Pálssyni, um Flugvöllinn og ruglið þar í kring.

 

Samkeppni í gangi um skipulag Vatnsm´yrarinnar og aurum ný sturtað í nýbyggingu flugvalar einmitt þar sem gamli Bretavöllurinn var. 

Stutt til KEflavíkur, kosnaður yfrin við að halda honum opnum, og fyrirsjáanlegt, að kosnaður muni margfaldast við Rvíkurvöll, ef aukið verður á millilandaflugið þaðan.

Tollskoðun á Rvíkurvelli hlýtur að aukast eða hafa nú þegar aukist stórkarlalega, þar sem umferð flugvéla frá útlöndum (flestar skráðar á Camen eyjunum, að sögn fjölmiðla) hefur mergfaldast og þær eru á ferðinni á flestum tímum sólarhringsins.  Ekki getum við ætlað annað, en þær séu tollskoðaðar eins og lög standa til, þar sem Flugumferðastjórar beina örugglega öllum loftförum, sem koma í lofthelgi okkar og hyggjast eiga stanz hér, á Tollhöfn, hvar tollarar eru við störf.

Þetta kallar á verulega aukna viðveru Tollþjóna.

Hávaðamengun eykst, slysahætta einnig (samanber í S-Ameríku, hvar nýverið rann farþegaþota ut af braut, sakir hálku og það af völdum rigninga,- hvað þá hríms eins og hjá okkur) og vrulegar hömlur verða enn á byggingamagni (Hæð og staðsetningu) á reytumnum í kringum vallarómyndina.

Þorsteinn hvetur til heiildarskoðunar á skipulagi frá Akranesi og suður um, til og með Reykjanesbæ.  ÞAr sem hvergi á byggðu bóli væri svo hátt þjónustustig við flugið. 

Við vitum auðvitað, að flugvallarskömmin er á förum og því  fyrr því betra.  Við þessir venjulegu brauðstritarar, sem greiðum fulla skatta eru orðnir þreyttir á, að hver bommertan er gerð af annarri, vegna þrýstings og handaflsaðgerðum.  Dæmi um það er nýbygging Vatnsmýrarvallar og færsla Hringbrautar.  Nú síðast ákvörðunin um staðsetningu Landspítalans.

Miðbæjaríhaldið

Orð þessi eru

Auðvitað eru allir blá saklausir.

Þetta á auðvitað við um viktarmenn, sjómenn, útgerðamenn og alla hina sem koma að hinu óaðfinnanlega og margbelssaða Kvótakerfi.

Allir eru svo hneykslaðir yfir þvi´,að einhvejum detti í hug, að haft sé rangt við í þessu kerfi.

 Þeir sem halda öðru fram eru auðvitað ekkert annað en óvildarmenn, lúserar og bleksóðar, sem ekki hafa migið í saltan.

hvernig dettur nokkrum í hug, að menn svindli á kerfi, sem setur mikla peninga í eftirlitsmenn útum alla koppa grundir, til að fylgjast nú vel með skökurum og öðrum dagróðararbátum?

Togaramenn vikta allt sitt eftirá og auðvitað fer allt í gegnum vinnslulínurnar, ekkert út um götin í borðunum.

 

Ég bara skil ekki þessa ósvífni í öfundarmeönnum þeirra sem vel gengur í Kvótakerfinu, að þeir ætli svona mörgum valinkunnum mönnum, óheilindi í meðferð og umsýslu allri með afla landsmanna.

 

Miðb´jaríhaldið 

Mótmæla aðdróttunum um vigtar- og kvótamál

Indverjarnir eiga ekki allir fyrir fóstureyðingu.

Þessar fréttir koma alltaf illa við mann.

Svo koma helv. spurningarnar upp í kollinn á manni.

 Hvenær er fóstureyðing fóstureyðing?

Spurningar eru leiðinlegar.

Miðbæjaríhaldið

Fjöldi barnslíka finnast á Indlandi

Þeir vita sem get hafa.

Hef verið að velta nokkrum þáttum mannlegrar náttúru fyrir mér.

Er ekki neinn spekingur,-frekar grunnur ef eitthvað er en hef átt djúpvitra samferðamenn og átt við þá spjall.

Mér finnst það orðin plagsiður hérlendis, að menn þora ekki að stuða nokkurn mann, eða segja nokkuð, sem hugsast gæti að yrði ofur rétttrúnaðarmönnum að yrkisefni í fjölmiðlum.

Ungt fólk sem er að ,,klifra" vilja vera allra viðhlæjendur, sérstaklega hinna efnameiri.  Skiljanleg afstaða en jafn aumkunarverð. 

Menn geta ekki lýst skoðun sinni á mönnum og málefnum, af einskærum ótta við, að verða úthrópaðir sem ójafnaðarmenn, fasistar, eða þaðan af verra.

Ef einhver lýsir sinni skoðun á einhverju málefni og sú skoðun ekki alveg í samræmi við viðteknar skoðanir eða ,,leyfðar skoðanir" getur viðkomandi átt á hættu að lenda fyrir dómara og verða dæmdur nánast til Brimarhólmsvistar.  Ríkir menn nota þá aðferð, að láta vakta umfjöllun um sína persónu og hóta málaferlum, nokkru sem er ekki á færi sléttra brauðstritara að standa undir, sakir þess, að Lögmenn eru kaupdýrir nokkuð.  Að vísu eru alltaf til aumingjagóðir Lögfræðingar, sem ganga ekki milli bols og höfuðs á fjárhagi manna, þó svo þeir verji þá.

Svo erum við að gera grín að Rannsóknarréttinum og skoðanayfirvaldinu í Vadikaninu og segjum börnum okkar, nánast klökk af meðvirkni, söguna um Kópernikus og að hann hafi sagt, ,,hún snýst nú samt" á leið útúr réttarsalnum,hvar hann gerði það sér til höfuðlausnar, að viðurkenna opinberlega skoðanir sína sem villutrú.

Nú er það sett í lög, að sumar skoðanir séu óferjandi og óalandi.  Ef hugsast getur, að einhver móðgist af trúar, uppruna, útlits eða annarskonar viðurkenndum ástæðum.

Svo erum við að gera grín að N-Kóreumönnum vegna skoðunarkúgunar og fangelsunar manna vegna trúar eða stjórnmálaástæðum.

Sáyðar sem syndlaus er, kastið fyrsta steininum.

Í Mannheimi er mikil hræsni, þrælsótti og uppgerðarvirðing fyrir handhöfum auðsins.

Ég hef auðvitað gert mig sekan um ákveðna tegund af þrælsótta, vegna aðstandenda og framfærslu þeirra en ég skammast mín fyrir það og hyggst láta af þeirri firru.

Enda þessa færslu með því að segja satt um, að menntasnobbið er enn ein birtingarmynd minnimáttarkenndar. 

 

Þetta eru mínar skoðanir á ofanrituðu en alsekki öruggt, að þær séu neitt sannari en Rétttrúnaðar-skoðanir þeirra sem ég tel þykjast hafa þær. 

En eins og fyrirsögnin segir.  Engin veit betur en sá er gerði.

 

Miðbæjaríhaldið